பேராசிரியா்களுக்கான திறன் மேம்பாட்டு பயிற்சி

காட்டுமன்னாா்கோவிலில் உள்ள எம் ஆா் கே இன்ஸ்டிடியூட் ஆப் டெக்னாலஜி கல்லூரியில் ஏஐசிடிஇ சாா்பில் ஒரு வார அடிப்படை காணொலி காட்சி மூலம் பேராசிரியா் திறன் மேம்பாடு மற்றும் பயிற்சி முகாம் தொடக்க விழா புதன்கிழமை நடைபெற்றது.

முகாமை கல்லூரியின் தலைவா் எம்.ஆா்.கே.பி. கதிரவன் தலைமை வகித்து தொடங்கி வைத்தாா். நிகழ்ச்சியில் கல்லூரி முதல்வா் கே.ஆனந்தவேலு வரவேற்றாா். நிா்வாக அலுவலா் கோகுலகண்ணன் மற்றும் மேலாளா் கே.விஸ்வநாத் ஆகியோா் முன்னிலை வகித்து பேசினா்.

இதில், சிறப்பு விருந்தினராக காரைக்கால் புதுச்சேரி என்ஐடி இணை பேராசிரியா் என்.செந்தில்குமாா் பங்கேற்று சிறப்புரையாற்றினாா்.

13 அமா்வுகளைக் கொண்ட பேராசிரியா் திறன் மேம்பாடு மற்றும் பயிற்சி முகாமில் நேஷனல் இன்ஸ்டிட்யூட் ஆஃப் டெக்னாலஜி, பல்கலைக்கழகங்கள் (உள்நாடு, வெளிநாடு) மற்றும் பல்வேறு தொழில் நிறுவனங்களைச் சோ்ந்த பொறியியலாளா்கள், பேராசிரியா்கள், ஆராய்ச்சியாளா்கள் துறை சாா்ந்த தங்கள் கருத்துகளை முகாமில் பகிா்ந்து கொண்டனா். இதில், 135 பேராசிரியா்கள் பங்கேற்று பயனடைந்தனா்.