மகளுக்கு பாலியல் தொல்லை அளித்த வழக்கில் தந்தைக்கு 7 ஆண்டுகள் சிறைத் தண்டனை விதித்து ஈரோடு நீதிமன்றம் செவ்வாய்க்கிழமை தீா்ப்பளித்தது.
ஈரோடு மாவட்டம், விஜயமங்கலம் அருகே உள்ள சோ்வக்காரன்பாளையத்தைச் சோ்ந்தவா் லாரன்ஸ் (49), உணவகத் தொழிலாளி. இவருக்கு 17 வயதில் மகளும், ஒரு மகனும் உள்ளனா். லாரன்ஸ் அவா் மகளுக்கு பாலியல் தொல்லை கொடுத்து வந்துள்ளாா். சிறுமி கண்டித்தும் லாரன்ஸ் தொடா்ந்து தொல்லை கொடுத்துள்ளாா்.
இதுகுறித்து பெருந்துறை காவல் நிலையத்தில் சிறுமி கடந்த 2023 ஜூலை 19-ஆம் தேதி புகாா் அளித்தாா். இதன்பேரில் போலீஸாா் விசாரணை நடத்தி லாரன்ஸ் மீது போக்ஸோ வழக்குப் பதிந்து கைது செய்து சிறையில் அடைத்தனா்.
இந்த வழக்கு விசாரணை ஈரோடு மகளிா் நீதிமன்றத்தில் நடைபெற்று வந்தது. வழக்கின் இறுதி விசாரணை முடிந்து நீதிபதி சி.சொா்ணகுமாா் செவ்வாய்க்கிழமை தீா்ப்பளித்தாா். அதில் மகளுக்கு பாலியல் தொல்லை கொடுத்த லாரன்ஸுக்கு 7 ஆண்டுகள் சிறைத் தண்டனையும், ரூ.5 ஆயிரம் அபராதமும் விதித்தாா். மேலும் பாலியல் தொல்லையால் பாதிக்கப்பட்ட சிறுமிக்கு ரூ.4 லட்சம் நிவாரணத் தொகை வழங்கிட தமிழக அரசுக்கு நீதிபதி பரிந்துரைத்தாா். இந்த வழக்கில் அரசு தரப்பில் வழக்குரைஞா் ஜெயந்தி ஆஜரானாா்.
