மக்களவைத் தோ்தலில் சுயேச்சையாக போட்டியிட்ட ஓ.பி.எஸ். மீது நடவடிக்கை? பேரவைத் தலைவா் மு.அப்பாவு விளக்கம்

மக்களவைத் தோ்தலில் சுயேச்சையாக போட்டியிட்ட அ.தி.மு.க. எம்.எல்.ஏ.வான ஓ.பன்னீா்செல்வம் மீது இந்திய அரசமைப்பு சட்டம் 10இன்படியும், தமிழக சட்டப்பேரவை விதியின் கீழும் ஆய்வு செய்து நடவடிக்கை எடுக்கப்படும் என்றாா் சட்டப் பேரவைத் தலைவா் மு.அப்பாவு.

கன்னியாகுமரி மாவட்டம் பேச்சிப்பாறை அணையில் இருந்து நிலப்பாறை என்ற இடத்தில் இருந்து ராதாபுரம் கால்வாயில் தண்ணீா் திறந்துவைத்த பின், செய்தியாளா்களிடம் இதை தெரிவித்த அவா், மேலும் கூறியதாவது: அ.தி.மு.க. எம்.எல்.ஏ.வாக இருந்துகொண்டு ஓ.பி.எஸ். மக்களவைத் தோ்தலில் சுயேச்சையாக போட்டியிட்ட நிலையில், அவா் மீது நடவடிக்கை எடுக்கவேண்டும் என்று ஓ.பி.எஸ்.ஸின் சொந்தத் தொகுதியைச் சோ்ந்த மிலானி என்பவா் மனு அளித்துள்ளாா். ஆனால், அக்கட்சியின் கொறடாவோ, நிா்வாகிகளோ இதுவரை புகாா் தெரிவிக்கவில்லை. எனினும் சட்டப்படி நடவடிக்கை எடுக்கப்படும் என்றாா்.