மடிப்பிச்சை எடுத்து மயானத்தை அளந்து தர பணம் தருவதாக மாற்றுத்திறனாளி நூதன முடிவு

கிருஷ்ணகிரி மாவட்டம், ஊத்தங்கரை அடுத்த, சோளக்காப்பட்டி கிராமத்தைச் சோ்ந்தவா் மாற்றுத்திறனாளி சிவகாமி(65). கணவரை இழந்து வாழ்ந்து வருகிறாா்.

கடந்த 50 ஆண்டுகளுக்கு மேலாக தனது பட்டா நிலத்தில் சுடுகாடு அமைக்க இடம் கொடுத்துவிட்டு, அருகில் உள்ள தரிசு நிலத்தை பயன்படுத்தி வருகிறாா். சோளக்காப்பட்டி கிராமத்தைச் சோ்ந்த சிலா், மற்றவா்கள் பயன்பாட்டில் உள்ள தரிசு நிலத்தை கண்டுகொள்ளாமல், முன்விரோதம் காரணமாக மாற்றுத்திறனாளி சிவகாமி பயன்பாட்டில் உள்ள தரிசு நிலத்தை மட்டும் அபகரிக்கும் நோக்கில், அந்த இடத்தை சுடுகாடு அமைக்க கோரி அராஜகத்தில் ஈடுபட்டு வருகின்றனா். அவா்களுக்கு உடந்தையாக வருவாய் துறை உள்ளதாக மாற்றுத்திறனாளி குற்றம் சாட்டியுள்ளாா்.

சோளக்காப்பட்டி கிராமத்தில் சா்வே எண் 20/1 ல், அரசு மயானம் 64 சென்ட் உள்ளது. இதை அளந்து கொடுக்க கோரி மாவட்ட ஆட்சியா், ஊத்தங்கரை வட்டாட்சியா், ஊராட்சி கிராம சபை கூட்டம்,பஞ்சாயத்து தீா்மானம், உங்களுடன் ஸ்டாலின் முகாம், மக்கள் குறைதீா்க்கும் முகாம் என பலமுறை மனு கொடுத்தும், இதுவரை எந்தவித நடவடிக்கையும் எடுக்காமல் இன்று போய் நாளை வா என அனுப்பி வருகின்றனா்.

அரசு மயானத்தை அளந்து கொடுக்க மடிப் பிச்சை எடுத்தாவது பணம் தருகிறேன்.அப்போதாவது அளந்து தருவீா்களா என கேள்வி எழுப்பியுள்ளாா். மாற்றுத்திறனாளி சிவகாமி பயன்பாட்டில் உள்ள தரிசு நிலத்தில், பிணத்தை புதைத்து அராஜகப் போக்கில் ஈடுபட்டு வருகின்றனா். ஒரு கிராமத்திற்கு ஏற்கனவே இரண்டு சுடுகாடு உள்ளது.இருந்த போதிலும் பணம் படைத்தவா்களின் பக்கம் வருவாய்த்துறை மற்றும் காவல் துறை உள்ளதாக குற்றம் சாட்டுகிறாா். கோட்டாட்சியா் அலுவலகத்தில் விசாரணையில் உள்ள அந்த இடத்தில், அராஜக போக்கில் அத்துமீரி பிணத்தை புதைத்துள்ளனா். இது குறித்து மாவட்ட ஆட்சியா் உரிய நடவடிக்கை எடுப்பாரா. மாற்றுத்திறனாளிக்கு நியாயம் கிடைக்குமா என கண்ணீா் மல்க கோரிக்கை விடுத்துள்ளாா்.