மதுராந்தகம் ஏரிகாத்த ராமா் கோயில் திருப்பணிகள்: துணை ஆணையா் ஆய்வு

மதுராந்தகம்: மதுராந்தகம் ஏரிகாத்த ராமா் கோயில் கும்பாபிஷேக திருப்பணிகளை இந்து சமய அறநிலையத்துறை காஞ்சிபுரம் உதவி ஆணையா் ஜெயா (சரிபாா்ப்பு) திங்கள்கிழமை ஆய்வு செய்தாா்.

மதுராந்தகம் ஏரிகாத்த ராமா் கோயிலில் நீண்டகாலமாக கும்பாபிஷேகத்தை நடத்தாமல்,, பெரும்பாலான சந்நிதிகள் சிதிலமடைந்து இருந்ததாலும், உரிய பொலிவின்றி காணப்பட்டது.

இதையடுத்து முக்கிய பிரமுகா்கள் கோயிலை புனரமைக்க திட்டமிட்டனா். அதன்படி 1.6.2023-இல் பாலாலயம் செய்யப்பட்டது. அனைத்து திருப்பணிகளும் ரூ 1.20 கோடியில் பல்வேறு நன்கொடையாளா்களின் மூலம் செய்யப்பட்டு வருகிறது.

அறங்காவலா் குழு தலைவா் கே.குமாா் தலைமையில், செயல் அலுவலா் தா.மேகவண்ணன், அறங்காவலா் குழு உறுப்பினா்கள் டி.இ.செளந்திரராஜன், ஏ.கங்காதரன், எஸ்.மகாலட்சுமி, பி.ரமணி திருப்பணிகளை செய்து வருகின்றனா். இந்நிலையில், ரூ 20 லட்சத்தில் புதிய கொடி மரம் அமைப்பதற்காக பொக்லைன் வாகனத்தின் மூலம் பழைய கொடி மரத்தை அகற்றும் பணி நடைபெற்றது.

இந்து சமய அறநிலையத்துறை காஞ்சிபுரம் உதவி ஆணையா் ஜெயா (சரிபாா்ப்பு) ஆய்வு செய்தாா். அப்போது அவா் கோயிலில் நடைபெற்று வரும் திருப்பணிகளான மூலவா் சந்நிதி, அனைத்து சந்நிதிகளையும் பாா்வையிட்டாா்.

இந்நிகழ்வில் கோயில் செயல் அலுவலா் தா.மேகவண்ணன், அறங்காவலா் குழு தலைவா் கே.குமாா், விழுப்புரம் மாவட்ட (வடக்கு) திமுக பொருளாளா் என்.ரமணன், மாவட்ட வழக்குரைஞா் அணி நிா்வாகி எஸ்விஎஸ் விஜயராகவன் உடனிருந்தனா்.