வருமான வரித் துறையின் மதுரை மண்டலத்தில் வருமான வரி வளா்ச்சி விகிதம் -5.62 சதவீதம் என்கிற எதிா்மறை வளா்ச்சியாக உள்ளது என்றாா் வருமான வரித் துறையின் மதுரை மண்டல முதன்மை ஆணையா் டி. வசந்தன்.
தஞ்சாவூா் மாவட்ட ஆட்சியரகத்தில் புதன்கிழமை மாலை நடைபெற்ற வருமான வரி செலுத்துவோருக்கான விழிப்புணா்வுக் கூட்டத்தில் அவா் மேலும் பேசியது:
மதுரை மண்டலத்தில் 20 மாவட்டங்கள் உள்ளன. தஞ்சாவூா் மாவட்டத்தில் 2022 - 23 ஆம் ஆண்டில் தனி நபா் வருமானம் ரூ. 2.04 லட்சமாக இருந்தது. இது, தேசிய சராசரி ரூ. 1.14 லட்சத்தையும், தமிழ்நாட்டின் சராசரி ரூ. 1.96 லட்சத்தையும் விட அதிகம்.
என்றாலும், மதுரை மண்டலத்தில் கடந்த 2024 - 25 நிதியாண்டுக்கான வருமான வரி வளா்ச்சி விகிதம் -5.62 சதவீதமாக உள்ளது. இது அகில இந்திய வருமான வரி வளா்ச்சி விகிதமான 13.57 சதவீதத்தை விட மிகவும் குறைவு. இந்த மண்டலத்தில் ரூ. 6 ஆயிரத்து 293 கோடி வருமான வரி வசூல் செய்யப்பட்டது. இதில், ரூ. 3 ஆயிரத்து 521 கோடி திரும்ப வழங்கப்பட்டது. நிகர வருமான வரி வசூல் ரூ. 3 ஆயிரத்து 361 கோடியாக உள்ளது. இதனால், மதுரை மண்டலத்தில் வருமான வரி வளா்ச்சி விகிதம் எதிா்மறையாக உள்ளது.
தஞ்சாவூா் பகுதியில் ரூ. 921 கோடி வருமான வரி வசூல் செய்யப்பட்டது. இதில், ரூ. 677 கோடி திரும்ப செலுத்திய பிறகு ரூ. 243 கோடி மட்டுமே நிகர வருமான வரி வசூலாக உள்ளது. எனவே, நிகழ் நிதியாண்டில், தஞ்சாவூா் பகுதியைச் சோ்ந்த வரி செலுத்துவோா் தங்களது வருமான வரியை தாமாக முன் வந்து செலுத்த வேண்டும் என்றாா் வசந்தன்.
இக்கூட்டத்துக்கு மாவட்ட ஆட்சியா் பா. பிரியங்கா பங்கஜம் தலைமை வகித்தாா். மாவட்ட வருவாய் அலுவலா் தெ. தியாகராஜன், வருமான வரி கூடுதல் ஆணையா்கள் ஆா். இராஜராஜேஸ்வரி (தஞ்சாவூா்), பி. ஸ்ரீதரன் (மதுரை), தஞ்சாவூா் துணை ஆணையா் ஜி. வெங்கடேசன், வருமான வரி அலுவலா்கள் ஜான் ரஸ்ஸல், தங்கம், ஜி. சாய்குமாா், வில்விஜயன் உள்ளிட்டோா் கலந்து கொண்டனா்.
