மருத்துவக் கல்லூரி மருத்துவமனையில் தற்காலிக பணியிடங்களுக்கு விண்ணப்பங்கள் வரவேற்பு

உதகை அரசு மருத்துவக் கல்லூரி மருத்துவமனையில் ஒப்பந்த ஊதியத்தில் தற்காலிகமாக பணியிடங்கள் நிரப்பப்படவுள்ளதால் தகுதியானவா்கள் விண்ணப்பிக்கலாம் என மாவட்ட ஆட்சியா் லட்சுமி பவ்யா தன்னேரு தெரிவித்துள்ளாா்.

இது குறித்து அவா் வெளியிட்டுள்ள அறிக்கையில் தெரிவித்துள்ளதாவது: உதகை அரசு மருத்துவக் கல்லூரி மருத்துவமனையில் ஐடி கோடினேட்டா் ஒரு பணியிடத்துக்கு எம்சிஏ, பிசிஏ பட்டப் படிப்பும், எக்கோ டெக்னீஷியன் ஒரு பணியிடத்துக்கு பி.எஸ்சி அல்லது காா்டியேக் டிப்ளமோ, மெடிக்கல் இமேஜிங் டெக்னாலஜி படிப்பும்

4 டேட்டா என்ட்ரி ஆபரேட்டா் பணியிடங்களுக்கு ஏதேனும் ஒரு பட்டப்படிப்பும் டிப்ளமோ கணினி செயலிகள் படிப்பும் படித்தவா்கள் விண்ணப்பிக்கலாம். வயதுவரம்பு குறைந்தபட்சம் 21 முதல் அதிகபட்சம் 45 வயதுக்குள் இருக்க வேண்டும். முன் அனுபவம் குறைந்தபட்சம் 2 ஆண்டுகள் இருக்க வேண்டும்.

விண்ணப்பங்கள் முழுமையான முகவரியுடன் மற்றும் சான்றிதழ் நகல்கள் கல்வித் தகுதி, ஜாதிச் சான்று, ஆதாா் அட்டை நகல்களை தபால் மூலமாக 05.05.2025 மாலை 5 மணிக்குள் முதல்வா், நிா்வாக அலுவலகம், அரசு மருத்துவக் கல்லூரி மருத்துவமனை, இந்து நகா், உதகை -643005 என்ற முகவரிக்கு அனுப்பவேண்டும் என தெரிவித்துள்ளாா்.