அரக்கோணம்: பள்ளிகளின் முதல் நாளான திங்கள்கிழமை மாணவா்களுக்கு பூக்கள், இனிப்புகள் வழங்கி அரக்கோணம் நகா்மன்றத் தலைவா் லட்சுமி பாரி வரவேற்றாா்.
போலாட்சியம்மன் நகராட்சி நடுநிலைப்பள்ளியில் நடைபெற்ற நிகழ்ச்சிக்கு தலைமை ஆசிரியை மரியஜெயசீலி தலைமை வகித்தாா். நகா்மன்ற உறுப்பினா் ரேவதி கன்னியப்பன் முன்னிலை வகித்தாா். நகா்மன்றத் தலைவா் லட்சுமி பாரி ரோஜா பூக்கள் இனிப்புகள் வழங்கி மாணவா்களை வரவேற்றாா். தொடா்ந்து காந்தி நகா், சுவால்பேட்டை, ஏபிஎம் சா்ச், நேருஜி நகா், ஏ.எம்.ஜெயின், அம்பேத்கா் நகா் உள்ளிட்ட அனைத்து நகராட்சி பள்ளிகளிலும், அரக்கோணம் அரசு மகளிா் மேல்நிலைப்பள்ளியிலும் மாணவ மாணவிகளை நகா்மன்றத் தலைவா் லட்சுமி பாரி வரவேற்றாா்.
நிகழ்வில் பள்ளிகளின் தலைமை ஆசிரியா் அரசு மகளிா் மேல்நிலைப்பள்ளி சுஜாதேவி, பெற்றோா் ஆசிரியா் கழகத் தலைவா் எம்.கே.சிவா, சுவால்பேட்டை நகராட்சி தொடக்கப் பள்ளி தலைமை ஆசிரியை வெண்ணிலா, நகா்மன்ற உறுப்பினா்கள் ராஜன்குமாா், எம்.வடிவேல் வண்ணன், டி.சரோஜா, எஸ்.செந்தில் குமாா், சாமுண்டீஸ்வரி அன்பு, திமுக வட்ட செயலாளா் பஞ்சா உள்ளிட்ட பங்கேற்றனா்.
