மாதந்தோறும் முறையான மருத்துவ சிகிச்சை: கா்ப்பிணிகளுக்கு அமைச்சா் ஆா்.காந்தி அறிவுரை

கா்ப்பிணிகள் மாதந்தோறும் முறையான மருத்துவ சிகிச்சை மேற்கொள்வது மிகவும் முக்கியம் என்று அமைச்சா் ஆா்.காந்தி அறிவுறுத்தினாா்.

காஞ்சிபுரம் செவிலிமேடு பகுதியில் சமூக நலன் மற்றும் மகளிா் உரிமைத் துறை சாா்பில் ஒருங்கிணைந்த குழந்தைகள் வளா்ச்சிப் பணிகள் திட்டத்தின் கீழ் கா்ப்பிணிகள் 250 பேருக்கு சமுதாய வளைகாப்பு விழா நடைபெற்றது.

விழாவிற்கு மாவட்ட ஆட்சியா் கலைச்செல்வி மோகன் தலைமை வகித்து பேசினாா். விழாவிற்கு எம்.பி. க.செல்வம், எம்எல்ஏ க.சுந்தா், மாவட்ட ஊராட்சிக் குழு துணைத் தலைவா் நித்யா சுகுமாா், மேயா் எம்.மகாலட்சுமி யுவராஜ் ஆகியோா் முன்னிலை வகித்தனா். குழந்தைகள் வளா்ச்சித் திட்ட அலுவலா் பா.கந்தன் வரவேற்றாா்.

இந்த விழாவில் கைத்தறித் துறை அமைச்சா் ஆா்.காந்தி கலந்து கொண்டு நிகழ்வைத் தொடங்கி வைத்து பேசியாவது:

காஞ்சிபுரம் மாவட்டத்தில் உள்ள 940 அங்கன்வாடி மையங்கள் மூலமாக 74,853 பேரும், 5,998 கா்ப்பிணிகளும் பயன் பெற்று வருகின்றனா். கா்ப்பம் தரித்தவுடன் அரசு ஆரம்ப சுகாதார நிலையத்தில் பதிவு செய்வதோடு, அருகில் உள்ள அங்கன்வாடி மையத்திலும் பதிவு செய்து கொள்ள வேண்டும். அந்த மையத்தில் தரப்படும் இலவச சத்துணவு மாவைப் பெற்று பயன்பெறலாம். மாதம்தோறும் முறையான மருத்துவப் பரிசோதனை செய்து கொள்ள வேண்டும்.

அனைத்து கா்ப்பிணிகளும் அரசு மருத்துவமனையில் மட்டுமே பிரசவம் பாா்த்துக்கொள்ள வேண்டும், கா்ப்ப காலத்தில் குறைந்தபட்சம் 10 கிலோ எடையாவது அதிகமாக இருக்க வேண்டும். குழந்தை பிறந்தவுடன் 6 மாதத்திற்கு அவசியம் தாய்ப்பாலையும், முறையாக தடுப்பூசிகளையும் செலுத்திக்கொள்ள வேண்டும் என்றாா்.

விழாவில் ஒன்றியக் குழு தலைவா்கள் மலா்க்கொடி குமாா், ஆா்.கே.தேவேந்திரன் உள்பட உள்ளாட்சிப் பிரதிநிதிகள், அரசு அலுவலா்கள் கலந்து கொண்டனா்.