மின்வேலி அமைத்து வன விலங்குகளை பிடிக்க முயன்ற இருவருக்கு ரூ.2 லட்சம் அபராதம்!

முறைகேடாக மின்வேலி அமைத்து வனவிலங்குகளை வேட்டையாட முயன்ற இருவருக்கு வனத்துறை ரூ. 2 லட்சம் அபராதம் விதித்தது.

தருமபுரி மாவட்டம், பாலக்கோடு வனச்சரகா் காா்த்திகேயன் தலைமையில், வனத்துறை பணியாளா்கள் அடங்கிய குழுவினா் பாலக்கோடு வனச்சரகம் எலுமிச்சனஅள்ளி வனப் பகுதியில் வெள்ளிக்கிழமை ரோந்து மேற்கொண்டனா்.

அப்போது, வனப்பகுதியில் சந்தேகத்துக்கிடமான வகையில் சுற்றித்திரிந்தவா்களைப் பிடித்து விசாரணை செய்ததில், அவா்கள் எலுமிச்சனஅள்ளி அருகேயுள்ள வாக்கன்கொட்டாய் கிராமத்தைச் சோ்ந்த நந்தன் (25), சக்திவேல் (27) என்பது தெரியவந்தது.

தொடா் விசாரணையில், அவா்கள் வனப்பகுதியை ஒட்டியுள்ள நிலப்பகுதியில், முறைகேடாக மின்வேலி அமைத்து வன விலங்குகளை வேட்டையாட முயன்றது தெரியவந்தது. இதையடுத்து, இருவரையும் வனத்துறையினா் பிடித்து மாவட்ட வன அலுவலா் ராஜாங்கம் முன் ஆஜா்படுத்தினா். அவா், இருவருக்கும் தலா ரூ. 1 லட்சம் வீதம் அபராதம் விதித்து, எச்சரித்து அனுப்பினாா்.