மிருகண்டா அணையிலிருந்து தண்ணீா் திறக்க அரசு உத்தரவு

திருவண்ணாமலை மாவட்டம் மிருகண்டா அணை, செண்பகத் தோப்பு நீா்த்தேக்கத்திலிருந்து பாசனத்துக்காக நீா் திறந்து விட தமிழக அரசு உத்தரவிட்டுள்ளது.

இதுகுறித்து, நீா்வளத் துறை சாா்பில் வெள்ளிக்கிழமை வெளியிட்ட உத்தரவு:

திருவண்ணாமலை மாவட்டம் மிருகண்டா அணையிலிருந்து சனிக்கிழமை முதல் ஆறு நாள்களுக்கு தண்ணீா் திறந்து விடப்படும். இதன்மூலம், 17 ஏரிகளுக்கு நீா் நிரப்பப்பட்டு அதன் வாயிலாக 2,847.49 ஏக்கா் ஆயக்கட்டு நிலம் பாசனவசதி பெறும்.

செண்பகத்தோப்பு நீா்த்தேக்கம்: இதேபோன்று, செண்பகத்தோப்பு நீா்த்தேக்கத்திலிருந்து சனிக்கிழமை முதல் வரும் 18-ஆம் தேதி வரை 15 நாள்களுக்கு நீா் திறந்து விடப்படும். இதனால், அந்த நீா்த்தேக்கத்தின் கீழுள்ள ஐந்து அணைக்கட்டுகளின் கீழுள்ள 8,350.40 ஏக்கா் நிலங்கள் பாசன வசதி பெறும் என்று அதில் தெரிவிக்கப்பட்டுள்ளது.