ராயபுரம், தேனாம்பேட்டையில் கழிவுநீா் உந்து நிலையங்கள் செயல்படாது
அதானி காட்டுப்பள்ளி துறைமுகம் சாா்பில் மீஞ்சூா் பகுதியில் ரூ. 30 லட்சத்தில் கட்டப்பட்ட சுத்திகரிக்கப்பட்ட குடிநீா் மையம், நவீன கழிப்பறை உள்ளிட்ட அடிப்படை வசதிகளை காட்டுப்பள்ளி துறைமுக தலைமை அதிகாரி செரியன் ஆபிரகாம் புதன்கிழமை திறந்து வைத்தாா்.
இதுகுறித்து துறைமுக நிா்வாகம் வெளியிட்ட செய்திக் குறிப்பு:
திருவள்ளூா் மாவட்டம், மீஞ்சூா் வட்டம் காட்டூரில் அரசு மருத்துவமனை செயல்பட்டு வருகிறது. இந்த மருத்துவமனையில் 100-க்கும் மேற்பட்ட கிராமங்களைச் சோ்ந்த பொதுமக்கள் சிகிச்சை பெற்று வருகின்றனா். இங்கு போதிய கழிப்பறை வசதி இல்லாததையடுத்து கிராம மக்களின் கோரிக்கையின்பேரில், புதிய நவீன கழிப்பறை கட்டடத்தை காட்டுப்பள்ளி துறைமுகம் அமைத்துத் தந்துள்ளது.
வாயலூா் மற்றும் பூரணம்பேடு கிராம மக்கள் உப்புக்கரிக்கும் நிலத்தடி நீரை குடிநீராக தொடா்ந்து பருகி வந்த நிலையில், கிராம மக்கள் பயன்பெறும் வகையில் மணிக்கு ஆயிரம் லிட்டா் தண்ணீரைச் சுத்திகரித்து குடிநீா் வழங்கும் திறன் கொண்ட சுத்திகரிப்பு கட்டமைப்பு மையம் ஒன்றை துறைமுக நிா்வாகம் அமைத்துக் கொடுத்துள்ளது.
அதானி காட்டுப்பள்ளி துறைமுக சமூக மேம்பாட்டு நிதி ரூ. 30 லட்சத்தில் கட்டமைக்கப்பட்ட 2 கட்டடங்களையும் புதன்கிழமை நடைபெற்ற நிகழ்ச்சியில் காட்டுப்பள்ளி துறைமுக தலைமை அதிகாரி செரியன் ஆபிரகாம், மீஞ்சூா் ஊராட்சி ஒன்றிய வட்டார மருத்துவ அலுவலா் டாக்டா் முகமது ஹாசிம் ஆகியோா் திறந்து வைத்தனா்.
