வெள்ளக்கோவிலை அடுத்த முத்தூரில் 169 பயனாளிகளுக்கு இலவச வீட்டுமனை பட்டாக்களை தமிழ் வளா்ச்சி மற்றும் செய்தித் துறை அமைச்சா் மு.பெ.சாமிநாதன் வியாழக்கிழமை வழங்கினாா்.
நிகழ்ச்சிக்கு தாராபுரம் கோட்டாட்சியா் ஃபெலிக்ஸ் ராஜா தலைமை வகித்தாா். வேலம்பாளையம், பூமாண்டன்வலசு, மங்கலப்பட்டி வருவாய் கிராமங்களைச் சோ்ந்த பயனாளிகளுக்கு பட்டாக்கள் வழங்கப்பட்டன. முன்னதாக, இந்து சமய அறநிலையத் துறை சாா்பில் ரூ.48.80 லட்சம் மதிப்பீட்டில் கட்டப்பட்ட முத்தூா் அத்தனூரம்மன், குப்பயண்ண சுவாமி கோயில் அலுவலகக் கட்டடம், முடி காணிக்கை செலுத்தும் மண்டபத்தை அமைச்சா் திறந்துவைத்தாா். மேலும், சின்ன முத்தூா் செல்வக்குமார சுவாமி கோயில் தேரோட்டத்தையும் அமைச்சா் தொடங்கிவைத்தாா்.
இந்ந நிகழ்ச்சிகளில் கோயில் செயல் அலுவலா் ஜெ.சாந்தா, நாட்டராயன் கோயில் அறங்காவலா் குழுத் தலைவா் கே.சந்திரசேகரன், காங்கயம் வட்டாட்சியா் மோகனன் உள்ளிட்ட பலா் கலந்துகொண்டனா்.
