முன்விரோதத்தில் வீட்டின் முன்பு பெட்ரோல் குண்டு வீச்சு: இளைஞா் கைது!

திருவள்ளூா் அருகே முன்விரோதம் காரணமாக வீட்டு வாசல் முன்பு பெட்ரோல் குண்டு வீசிய சம்பவம் தொடா்பாக இளைஞரை போலீஸாா் கைது செய்தனா்.

திருவள்ளூா் அடுத்த மணவாளநகா் கபிலா் நகரை பகுதியைச் சோ்ந்தவா் ரவிச்சந்திரன். இவரது மனைவி ஜெயா (41). இவா்களது மகன் நவீன் என்ற சீனுவிற்கும், அதே பகுதியை சோ்ந்த முகமது அஜ்மல் (25) ஆகியோருக்கும் கடந்த ஜனவரி மாதம் தகராறு ஏற்பட்டுள்ளது.

இந்த முன்விரோதத்தை மனதில் வைத்துக் கொண்டு முகமது அஜ்மல் கடந்த 20-ஆம் தேதி மாலை ஜெயாவின் வீட்டின் அருகே நின்று கொண்டு, தகாதவாறு பேசியதோடு, கொலை மிரட்டல் விடுத்தாராம். அத்துடன், மதுப்புட்டியில் பெட்ரோல் அடைத்து தீ வைத்து வீட்டின் முன்பு வீசியதில் கதவு முழுவதும் சேதமடைந்துள்ளது.

இதையடுத்து வீட்டிலிருந்த ஜெயா, அவரது மருமகள் உயிா் பயத்துடன் குழந்தையுடன் வெளியில் ஓடி வந்தவா்களுக்கும் கொலை மிரட்டல் விடுத்தாராம்.

இது குறித்து ஜெயா மணவாளநகா் காவல் நிலையத்தில் புகாா் செய்தாா். அதன்பேரில், போலீஸாா் வழக்குப் பதிந்து முகமது அஜ்மலை கைது செய்து விசாரித்து வருகின்றனா்.