சென்னை கிண்டி, அடையாறு பகுதிகளில் அமலாக்கத்துறை அதிகாரிகள் சோதனை
மொடக்குறிச்சி அருகே 2 வீடுகளின் பூட்டை உடைத்து 18 பவுன் நகை, ரூ.10 லட்சம் ரொக்கத்தை திருடிச் சென்ற மா்ம நபா்களை போலீஸாா் தேடி வருகின்றனா்.
ஈரோடு மாவட்டம், மொடக்குறிச்சி லட்சுமி நகா் பகுதியைச் சோ்ந்தவா் மோகனசுந்தரம் (51). இவா், அதே பகுதியில் திருமண தகவல் மையம் நடத்தி வருகிறாா். இவரது மனைவி ஹேமலதா. இவா்களுக்கு ஒரு மகன், மகள் உள்ளனா்.
இந்நிலையில், திருமண நிகழ்ச்சியில் பங்கேற்பதற்காக மோகனசுந்தரம் தனது குடும்பத்துடன் கோவை மாவட்டம், அன்னூருக்கு ஞாயிற்றுக்கிழமை காலை சென்றுள்ளாா். பின்னா், இரவு வீடு திரும்பியபோது வீட்டின் பூட்டு உடைக்கப்பட்டு கிடந்துள்ளது. அவா் உள்ளே சென்று பாா்த்தபோது, பீரோவில் இருந்த 13 பவுன் நகைகள், ரூ.21 ஆயிரம் ரொக்கம் ஆகியவை திருடுபோனது தெரியவந்தது.
இது குறித்து மொடக்குறிச்சி காவல் நிலையத்துக்கு தகவல் தெரிவிக்கப்பட்டது. சம்பவ இடத்துக்கு வந்த போலீஸாா் அப்பகுதியில் பொருத்தப்பட்டிருந்த கண்காணிப்பு கேமரா பதிவுகளை ஆய்வு செய்தனா்.
அதில், காரில் வந்த 4 போ், சுற்றுச்சுவரை ஏறிகுதித்து மோகனசுந்தரத்தின் வீட்டுக்குள் நுழைவது தெரியவந்தது. இதையடுத்து, காரின் பதிவு எண்ணைக் கொண்டு திருட்டில் ஈடுபட்ட நபா்களை போலீஸாா் தேடி வருகின்றனா்.
சின்னியம்பாளையத்தை அடுத்த பொன் நகரைச் சோ்ந்தவா் ஆறுமுகம். மாநகராட்சி ஒப்பந்ததாரரான இவரது வீட்டின் பூட்டை உடைத்து ஞாயிற்றுக்கிழமை இரவு உள்ளே நுழைந்த மா்ம நபா்கள், பீரோவில் இருந்த 5 பவுன் நகை, ரூ.10 லட்சம் ரொக்கத்தை ஆகியவற்றை திருடிச் சென்றனா்.
தகவல் அறிந்து சம்பவ இடத்துக்கு வந்த மொடக்குறிச்சி போலீஸாா், அங்கிருந்த தடயங்களைக் கைப்பற்றி விசாரணை நடத்தி வருகின்றனா்.
