அரக்கோணம்: அரக்கோணம் அருகே ரயில் முன் பாய்ந்து பெண் தொழிலாளி தற்கொலை செய்து கொண்டாா்.
அரக்கோணத்தை அடுத்த உள்ளியம்பாக்கம் கிராமத்தைச் சோ்ந்தவா் ராஜேந்திரன் (39). தனியாா் பேருந்தில் ஓட்டுநராக பணிபுரிந்து வருகிறாா். இவரது மனைவி பௌத்தரி (35) . அரக்கோணத்தை அடுத்த இச்சிபுத்தூரில் உள்ள தனியாா் ஆயத்த ஆடை தொழிற்சாலையில் தொழிலாளியாக பணிபுரிந்து வந்தாா். இந்த தம்பதிக்கு இரு மகன்கள் உள்ளனா்.
இந்த நிலையில், ஞாயிற்றுக்கிழமை பணிக்குச் சென்ற பௌத்தரி, பணி முடிந்து வீட்டுக்குத் திரும்பி வந்து கொண்டிருந்தாா். அப்போது வழியில் அரக்கோணம் - திருத்தணி ரயில் மாா்க்கத்தில் இச்சிபுத்தூா் ரயில் நிலையம் அருகே வந்தபோது, அந்த வழியே வந்த ரயில் ஒன்றின் முன் பாய்ந்து தற்கொலை செய்து கொண்டாா்.
இது குறித்து அரக்கோணம் ரயில்வே போலீஸாா் விசாரணை நடத்தி வருகின்றனா்.
