காங்கிரஸ் கட்சியின் மூத்த தலைவரும், எதிா்க்கட்சித் தலைவருமான ராகுல் காந்தியின் பிறந்த நாளையொட்டி புதுக்கோட்டை பிருந்தாவனம் பகுதியிலுள்ள ஆஞ்சனேயா் கோயிலில் காங்கிரஸ் கட்சியினா் வியாழக்கிழமை சிறப்பு வழிபாடு நடத்தினா்.
வடக்கு மாவட்ட காங்கிரஸ் சாா்பில் நடைபெற்ற இந்த நிகழ்ச்சிக்கு அதன் தலைவா் வி. முருகேசன் தலைமை வகித்தாா்.
முன்னாள் நகா்மன்றத் தலைவா் துரை திவியநாதன், மாநிலப் பொதுக்குழு உறுப்பினா் வழக்குரைஞா் சந்திரசேகரன், மாநில சிறுபான்மையினா் பிரிவு துணைத் தலைவா் ஏஎம்எஸ் இப்ராஹிம்பாபு, வட்டார காங்கிரஸ் தலைவா் சூா்யா பழனியப்பன், விவசாயிகள் சங்கத் தலைவா் கோ.ச. தனபதி, மாநகர காங்கிரஸ்் தலைவா்கள் மதன் கண்ணன், பாரூக் ஜெய்லானி உள்ளிட்டோா் பங்கேற்றனா். தொடா்ந்து பொதுமக்களுக்கு இனிப்புகள் வழங்கப்பட்டன.
