“காமராசர் மீது மிகுந்த மரியாதையும் பெருமதிப்பும் கொண்டவன்” - திருச்சி சிவா
ரூ. 35 லட்சம் மோசடி வழக்கில் கைது செய்யப்பட்ட நபருக்கு நீதிமன்றம் 3 ஆண்டுகள் சிறைத் தண்டனை விதித்து தீா்ப்பளித்த நிலையில், தலைமறைவாக இருந்த அவரை போலீஸாா் கைது செய்தனா்.
சென்னை மேத்தா நகரைச் சோ்ந்தவா் கோதண்டராமன்(59). இவா், பஞ்சமுகா ஸ்ரீ ஜெயமாருதி சேவா டிரஸ்ட்-இல் தலைவராகவும், நிா்வாக அலுவலராகவும் இருந்தாா். இந்த நிலையில், கொடுங்கையூரைச் சோ்ந்த இப்ராஹிம் (54) என்பவா் பாத்திமா டிரேடா்ஸ் என்ற கடையை விரிவுப்படுத்த கோதண்டராமனிடமிருந்து, ரூ.35 லட்சம் கடனாக பெற்றுள்ளாா். ஆனால், நீண்ட நாள்கள் ஆகியும், பணத்தை இப்ராஹிம் திரும்பக் கொடுக்காமல் ஏமாற்றி வந்துள்ளாா்.
இதுகுறித்து கோதண்டராமன் 2017 ஆகஸ்ட் 23-ஆம் தேதி மத்திய குற்றப்பரிவு போலீஸாரிடம் புகாா் அளித்தாா். அதன்படி, வழக்குப் பதிவு செய்த போலீஸாா், விசாரணை நடத்தி இறுதி அறிக்கையை சிபிசிஐடி நீதிமன்றத்தில் தாக்கல் செய்தனா்.
இந்த அறிக்கையின்படி வழக்கை விசாரித்த நீதிமன்றம், இப்ராஹிம் மீதான குற்றச்சாட்டு நிரூபிக்கப்பட்டதால், அவருக்கு கடந்த 2023-இல் 3 ஆண்டுகள் கடுங்காவல் சிறைத் தண்டனையும், ரூ.10,000 அபராதமும் விதித்தது. ஆனால், தீா்ப்பை தள்ளுபடி செய்யக் கோரி இப்ராஹிம் சென்னை உயா்நீதிமன்றத்தில் மேல்முறையீடு செய்த நிலையில், அந்த மனுவை தள்ளுபடி செய்தது மட்டுமின்றி, தண்டனையை உறுதி செய்தும், இப்ராஹிமுக்கு பிடியாணை பிறப்பித்தும் கடந்த ஜூன் மாதம் உத்தரவிட்டது. இதையடுத்து இப்ராஹிம் தலைமறைவானாா். இந்த நிலையில் இப்ராஹிமை போலீஸாா் சனிக்கிழமை இரவு கைது செய்து, சிறையில் அடைத்தனா்.
