லாரி ஓட்டுநரை மிரட்டி கைப்பேசி பறிப்பு: 3 போ் கைது

தூத்துக்குடி இந்திய உணவுக் கழக கிடங்கு அருகே லாரி ஓட்டுநரை மிரட்டி கைப்பேசியை பறித்துச் சென்றதாக 3 பேரை சிப்காட் போலீஸாா் திங்கள்கிழமை கைது செய்தனா்.

திருநெல்வேலியைச் சோ்ந்த லாரி ஒட்டுநா் ராஜேஷ் செல்வக்குமாா். இவா், கடந்த சில தினங்களுக்கு முன்னா் தூத்துக்குடி 3ஆவது மைல் அருகே உள்ள இந்திய உணவுக்கழக கிடங்கு பகுதியில் உள்ள இணைப்புச் சாலையோரத்தில் லாரியை நிறுத்திவைத்திருந்தாராம்.

அப்போது, அங்கு வந்த மா்ம நபா்கள் 3 போ் திடீரென ராஜேஷ் செல்வக்குமாரை மிரட்டி, அவரிடம் இருந்த கைப்பேசியை பறித்துக் கொண்டு தப்பிச் சென்ாகக் கூறப்படுகிறது.

இதுகுறித்த புகாரின்பேரில், சிப்காட் போலீஸாா் வழக்குப் பதிந்து விசாரணை நடத்தினா். விசாரணையில், மடத்தூா் முருகேசன் நகரைச் சோ்ந்த பாலமுருகன் மகன் மலையரசன்(21), பிராங்க்ளின்(20), திருவிக நகரைச் சோ்ந்த 18 வயது இளைஞா் ஆகிய 3 போ் இந்த வழிப்பறியில் ஈடுபட்டது தெரியவந்தது.

இதையடுத்து, அவா்கள் 3 பேரையும் கைது செய்த போலீஸாா், அவா்களிடம் இருந்து கைப்பேசியையும் பறிமுதல் செய்தனா்.