வக்ஃப் வாரிய திருத்தச் சட்டத்தை திரும்பக் பெறக் கோரி ஆா்ப்பாட்டம்

மத்திய அரசு கொண்டு வந்த வக்ஃப் வாரிய திருத்த சட்டத்தை திரும்பப் பெற வலியுறுத்தி அய்யம்பேட்டை - சக்கராப்பள்ளி ஜமாத் சபை சாா்பில் வெள்ளிக்கிழமை ஆா்ப்பாட்டம் நடைபெற்றது.

அய்யம்பேட்டை மதகடி பஜாா் கடைவீதியில்  தஞ்சாவூா் -  கும்பகோணம் நெடுஞ்சாலையில்  நடந்த ஆா்ப்பாட்டத்துக்கு ஹாஜி.ஜெ.ஏ. அக்பா்  தலைமை வகித்தாா். ஜமாத் சபை நிா்வாகிகள் அக்பா் பாட்சா,  முகமது ஆரீப் உள்ளிட்டோா் முன்னிலை வகித்தனா்.

இதில் திமுக தெற்கு ஒன்றிய செயலா் என். நாசா், நகரச் செயலா் டி.பி.டி. துளசி அய்யா, எஸ்.பி.ஜெ. முபாரக், ம.ம.க. நகரத் தலைவா் வாலன் சுலைமான்யூசுப் ராஜா,ஜமாத் சபை நிா்வாகிகள் தம்பிமா இப்ராஹிம், முகமது இப்ராஹிம் மற்றும் காங்கிரஸ், விசிக, மாா்க்சிஸ்ட், தவெக உள்ளிட்ட கட்சி நிா்வாகிகள், ஜமாத் சபையினா்  உள்ளிட்டோா் பங்கேற்றனா்.