வங்கிக் கடன் வசூல் கெடுபிடி: விவசாயிகள் தற்கொலையை கொலை வழக்காக பதிவு செய்ய வலியுறுத்தல்

வங்கிக் கடன் வசூல் காரணமாக விவசாயிகள் தற்கொலை சம்பவங்கள் அதிகரித்து வரும் நிலையில், இவற்றை கொலை வழக்காக பதிவு செய்ய வேண்டும் என தமிழக காவிரி விவசாயிகள் சங்கத்தின் பொதுச்செயலா் பி.ஆா். பாண்டியன் வலியுறுத்தியுள்ளாா்.

இதுகுறித்து அவா் செவ்வாய்க்கிழமை வெளியிட்டுள்ள அறிக்கை: மன்னாா்குடியை அடுத்த 54 நெம்மேலியைச் சோ்ந்த விவசாயியும், ஊராட்சி முன்னாள் தலைவருமான ஜெகதீசன் புதிய வீடு கட்டுவதற்காக, மன்னாா்குடியில் உள்ள தனியாா் நிதி நிறுவனத்தில் கடன் பெற்று, தவணை முறையில் திருப்பி செலுத்தி வந்த நிலையில், இரு தவணைகள் மட்டும் நிலுவையில் இருந்துள்ளன.

இந்நிலையில், திங்கள்கிழமை அவரது வீட்டுக்கு வசூலுக்கு வந்த இரு வங்கி அலுவலா்கள், ஜெகதீசனை தரக்குறைவான வாா்த்தைகளால் திட்டி, மிரட்டல் விடுத்ததால், அவா் விஷம் குடித்து தற்கொலை செய்து கொண்டுள்ளாா்.

இரண்டு மாதங்களுக்கு முன்பு சேலம் மாவட்டத்தில் இதுபோன்ற காரணத்துக்காக விவசாயி ஒருவா் தற்கொலை செய்துகொண்டாா். ஜெகதீசன் தற்கொலைக்கு தனியாா் வங்கி முழு பொறுப்பேற்று அவரது குடும்பத்துக்கு ரூ.1 கோடி நிதி உதவி வழங்க வேண்டும்.

வசூல் என்கிற பெயரில் குண்டா்கள் மூலம் விவசாயிகள் மிரட்டுவது, அவமானப்படுத்துவது தொடா்வது வேதனை அளிக்கிறது. தமிழக அரசின் புதிய அவசர சட்டத்தின் அடிப்படையில், சம்பந்தப்பட்ட வங்கி நிா்வாகம், ஊழியா்கள் மீது கொலை வழக்குப் பதிந்து, சட்டரீதியான நடவடிக்கை எடுக்க வேண்டும் என தெரிவித்துள்ளாா்.