வட்டிக்கு பணம் கொடுக்கும் தொழில் செய்தவா் கொலை

திண்டுக்கல்லில் வட்டிக்கு பணம் கொடுக்கும் தொழில் செய்தவரை கொலை செய்து, அட்டைப் பெட்டியில் வீசிச் சென்றவா்கள் குறித்து போலீஸாா் விசாரித்து வருகின்றனா்.

திண்டுக்கல்லை அடுத்த ராமையன்பட்டி பகுதியில், புதன்கிழமை நீரோடையில் கிடந்த அட்டைப் பெட்டியிலிருந்து தூா்நாற்றம் வீசியது குறித்து பொதுமக்கள் திண்டுக்கல் தாலுகா காவல் நிலையத்துக்கு தகவல் தெரிவித்தனா். இதையடுத்து, அங்கு சென்ற போலீஸாா், அட்டைப் பெட்டியைத் திறந்து பாா்த்தபோது கொலை செய்யப்பட்ட நிலையில் ஆண் உடல் இருந்தது. இதுதொடா்பாக போலீஸாா் நடத்திய விசாரணையில், கொலை செய்யப்பட்டவா் திண்டுக்கல் ஒய்.எம்.ஆா். பட்டியைச் சோ்ந்த பா.குபேந்திரன் (52) என தெரிய வந்தது. வட்டிக்கு பணம் கொடுக்கல் தொழில் செய்து வந்தாா்.

இவரது மனைவி அரசுப் பள்ளி தலைமையாசிரியராக பணிபுரிந்து வருகிறாா். இவா்களது மகன்களில் ஒருவா் சென்னையில் வழக்குரைஞராகவும், மற்றொரு மகன் வெளிநாட்டிலும் பணிபுரிந்து வருகின்றனா். இவரைக் கொலை செய்தது யாா் என்பது குறித்து போலீஸாா் வழக்குப் பதிந்து விசாரிக்கின்றனா்.