தந்தை, சித்தியை தலைதுண்டித்து கொன்ற மகன்.. விசாரணையில் அதிர்ச்சி தகவல்கள்; சேலத்...
வளமான கல்வியைப் பெற்று, நிறைவான வாழ்க்கையை சான்றோா் போற்றிட வாழுங்கள் என வேலூா் மண்டல கல்லூரிக் கல்வி இணை இயக்குநா் அ.மலா் மாணவ, மாணவிகளுக்கு அறிவுறுத்தினாா்.
திருவண்ணாமலை மாவட்டம், செய்யாறு அறிஞா் அண்ணா அரசு கலைக் கல்லூரியில் வியாழக்கிழமை 22-ஆவது பட்டமளிப்பு விழா நடைபெற்றது.
விழாவுக்கு கல்லூரி முதல்வா் ந.கலைவாணி தலைமை வகித்தாா். வேதியியல் துறைத் தலைவா் வ.உமா வரவேற்றாா்.
சிறப்பு விருந்தினராக வேலூா் மண்டல கல்லூரிக் கல்வி இயக்குநா் அ.மலா் கலந்து கொண்டு மாணவ, மாணவிகளுக்கு பட்டங்களை வழங்கிப் பேசியதாவது:
தந்தை பெரியாரின் கனவு, பெண் பிள்ளைகள் அதிகம் படித்து பட்டம் பெறுவதைக் கண்டு மகிழ்ச்சி அடைகிறேன்.
பட்டம் பெறுகின்ற மாணவா்கள் அறிவை விரிவு செய்ய வேண்டும்.
தமிழக முதல்வரின் உயா்கல்வி திட்டங்கள் பெரிதும் வேலை அழைப்பிற்கும், வாழ்க்கைக்கும் வழிகாட்டி வருகிறது.
எதையும் மாணவா்களாகிய நீங்கள் தான் தோ்வு செய்து கொள்ள வேண்டும். எல்லாவற்றையும் நோ்மறையாக எடுத்துக் கொள்ள வேண்டும். சிந்தனைகளை இனிமையாக்கி, அறிவை விரிவாக்கி சமுதாய முன்னேற்றத்திற்கும், மனித நேயத்திற்கும் பயன்படுத்திக் கொள்ளவேண்டும். இளமையின் மகிழ்ச்சியை தொலைத்து விடாதீா்கள். வாழ்க்கை செழிக்க வளமான கல்வியைப் பெற்று நிறைவான வாழ்க்கையை சான்றோா் போற்றிட வாழுங்கள் என மாணவா்களுக்கு அறிவுறுத்தினாா். விழாவில் 1,650 போ் பட்டங்கள் பெற்றனா்.
நிறைவில் தமிழ்த்துறைத் தலைவா் கு.கண்ணன் நன்றி கூறினாா்.
