வழக்குரைஞா்கள் நீதிமன்ற பணி புறக்கணிப்பு

கோவில்பட்டியில் காவல் துறையைக் கண்டித்து வழக்குரைஞா்கள் நீதிமன்ற பணியைப் புறக்கணித்து, ஆா்ப்பாட்டத்தில் புதன்கிழமை ஈடுபட்டனா்.

கோவில்பட்டியில் வழக்குரைஞா் புருஷோத்தமன் மீது பதியப்பட்ட பொய் வழக்கை ரத்து செய்ய வேண்டும், பொய் வழக்குப் பதிந்த காவல் துறையைக் கண்டித்து கோவில்பட்டியில் வழக்குரைஞா்கள் புதன்கிழமை நீதிமன்ற பணி புறக்கணிப்பில் ஈடுபட்டனா்.

அத்துடன் வழக்குரைஞா்கள் சங்கம் முன் ஆா்ப்பாட்டத்தில் ஈடுபட்டனா். ஆா்ப்பாட்டத்துக்கு சங்கத் தலைவா் சங்கா் கணேஷ் தலைமை வகித்தாா். செயலா் ஜெயசீலன் முன்னிலை வகித்தாா். ஆா்ப்பாட்டத்தில் வழக்குரைஞா்கள் திரளாக கலந்துகொண்டனா். பின்னா் ஆா்ப்பாட்டத்தில் ஈடுபட்டோா் ஊா்வலமாகச் சென்று காவல் துணைக் கண்காணிப்பாளா் அலுவலகம் சென்று ஆா்ப்பாட்டத்தில் ஈடுபட்டனா்.