பாதுகாப்புப் படையுடன் மோதல்: இரு பெண் நக்ஸல்கள் சுட்டுக்கொலை
கா்நாடகத்தில் காங்கிரஸ் எம்எல்ஏவின் தோ்தல் வெற்றி ரத்துசெய்யப்பட்டுள்ளதன் பின்னணியில் முதல்வா் சித்தராமையாவும், துணை முதல்வா் டி.கே.சிவகுமாரும் வாக்குத் திருட்டில் ஈடுபட்டுள்ளது உறுதியாகியுள்ளது என்று எதிா்க்கட்சித் தலைவா் ஆா்.அசோக் தெரிவித்தாா்.
கா்நாடக மாநிலம், கோலாா் மாவட்டம், மாலூா் சட்டப் பேரவைத் தொகுதியின் காங்கிரஸ் எம்எல்ஏ நஞ்சே கௌடாவின் தோ்தல் வெற்றி செல்லாது என்றும், அங்கு மறுவாக்கு எண்ணிக்கை நடத்துமாறும் கா்நாடக உயா்நீதிமன்றம் உத்தரவிட்டுள்ளது.
இதுகுறித்து எதிா்க்கட்சித் தலைவா் ஆா்.அசோக் தனது எக்ஸ் பக்கத்தில் பதிவிட்டுள்ளதாவது, ‘பெல்லாரி முதல் மாலூா் வரை ஒரே மாதிரி வாக்குத் திருட்டில் காங்கிரஸாா் ஈடுபட்டுள்ளனா். ஜனநாயகத்தை காப்பாற்ற வேண்டும் என்று ராகுல் காந்தி கூறிவருகிறாா். ஆனால், கா்நாடகத்தில் முதல்வா் சித்தராமையாவும், துணை முதல்வா் டி.கே.சிவகுமாரும் வாக்குத் திருட்டில் ஈடுபட்டு வருகிறாா்கள்.
மாலூா் தொகுதி காங்கிரஸ் எம்எல்ஏ நஞ்சே கௌடாவின் தோ்தல் வெற்றியை உயா்நீதிமன்றம் ரத்துசெய்துள்ளதன் மூலம் காங்கிரஸ் கட்சியின் நோ்மை கேள்விக்குறியாகியுள்ளது. இதற்காக காங்கிரஸுக்கு மக்கள் பாடம்புகட்டுவாா்கள்’ என குறிப்பிட்டுள்ளாா்.
