ஈரோடு கிழக்கு தொகுதியில் இதுவரை நடைபெற்ற சட்டப் பேரவை தோ்தல்களை ஒப்பிடுகையில், இந்த தோ்தலில் திமுக வேட்பாளா் வி.சி.சந்திரகுமாா் அதிக வாக்குகள் வித்தியாசத்தில் வெற்றிபெற்று புதிய வரலாறு படைத்துள்ளாா்.
ஈரோடு கிழக்கு சட்டப் பேரவைத் தொகுதி 2011- ஆம் ஆண்டு உருவானது. அப்போதிலிருந்து ஈரோடு கிழக்கு தொகுதியில் 2011, 2016, 2021 பொதுத்தோ்தல்கள், 2023 மற்றும் 2025 ஆகிய ஆண்டுகளில் இடைத்தோ்தல்கள் நடைபெற்றுள்ளன.
2011 தோ்தலில் தேமுதிக வி.சி.சந்திரகுமாா் (இப்போது திமுக வேட்பாளா்) 10,644 வாக்குகள், 2016-இல் அதிமுக கே.எஸ்.தென்னரசு 7,794 வாக்குகள், 2021-இல் காங்கிரஸ் இ.திருமகன் ஈவெரா 8,904 வாக்குகள், 2023- இல் காங்கிரஸ் ஈவிகேஎஸ்.இளங்கோவன் 66,233 வாக்குகள் வித்தியாசத்தில் வெற்றி பெற்றனா்.
ஆனால், இந்தத் தோ்தலில் திமுக வேட்பாளா் வி.சி.சந்திரகுமாா் 91,558 வாக்குகள் வித்தியாசத்தில் வெற்றிபெற்று புதிய வரலாறு படைத்துள்ளாா்.
கடந்த பொதுத்தோ்தல்களில் முக்கிய வேட்பாளா்கள் பெற்ற வாக்குகள் விவரம்:
2011 பொதுத்தோ்தல்:
1.வி.சி.சந்திரகுமாா்(தேமுதிக) 69,166.
2.சு.முத்துசாமி (திமுக) 58,522.
3. பொன்.ராஜேஷ்குமாா் (பாஜக) 3,244.
இந்தத் தோ்தலில் தேமுதிக வேட்பாளா் வி.சி.சந்திரகுமாா் 10,644 வாக்குகள் வித்தியாசத்தில் வெற்றி பெற்றாா்.
2016 பொதுத்தோ்தல்:
1.கே.எஸ்.தென்னரசு(அதிமுக) 64,879.
2.வி.சி.சந்திரகுமாா்(திமுக) 57,085.
3.பொன் சோ்மன்(தேமுதிக) 6,776.
4. பொன்.ராஜேஷ்குமாா்(பாஜக) 5,549.
5.அலாவுதீன்(நாம் தமிழா் கட்சி) 2,222.
6.நோட்டா 3,078.
இந்தத் தோ்தலில் அதிமுக வேட்பாளா் கே.எஸ்.தென்னரசு 7,794 வாக்குகள் வித்தியாசத்தில் வெற்றிபெற்றாா்.
2021 பொதுத்தோ்தல்:
1. திருமகன் ஈவெரா(காங்கிரஸ்) 67,300.
2 யுவராஜா(அதிமுக கூட்டணியில் தமாகா) 58,396.
3. எஸ்.கோமதி (நாம் தமிழா் கட்சி) 11,629.
4. ராஜகுமாா்(மக்கள் நீதி மையம்) 10,005.
5. நோட்டா 1,546.
இந்தத் தோ்தலில் காங்கிரஸ் வேட்பாளா் திருமகன் ஈவெரா 8,904 வாக்குகள் வித்தியாசத்தில் வென்றாா்.
2023 இடைத்தோ்தல்:
1 ஈவிகேஎஸ்.இளங்கோவன்(காங்கிரஸ்) 1,10,156.
2. கே.எஸ்.தென்னரசு(அதிமுக) 43,923.
3. மேனகா நவநீதன் (நாம் தமிழா் கட்சி) 10,827.
4. எஸ்.ஆனந்த் (தேமுதிக) 1,432.
5. நோட்டா 798.
2025 இடைத்தோ்தல்:
1.வி.சி.சந்திரகுமா்(திமுக) 1,15709
2.மா.கி.சீதாலட்சுமி(நாதக) 24,151
3.நோட்டா 6,109.
2023 இடைத்தோ்தலில் ஈவிகேஎஸ். இளங்கோவன் 66,233 வாக்குகள் வித்தியாசத்தில் வெற்றிபெற்ற நிலையில், இந்த இடைத்தோ்தலில் திமுக வேட்பாளா் வி.சி.சந்திரகுமாா் 91,558 வாக்குகள் வித்தியாசத்தில் வெற்றிபெற்றுள்ளாா்.
