கத்தோலிக தலைமை மதகுரு போப் பிரான்சிஸ் (88) உடல்நலக் குறைவு காரணமாக மருத்துவமனையில் அனுமதிக்கப்பட்டுள்ளாா்.
சிறுவயதிலேயே ஒரு நுரையீரல் அகற்றப்பட்ட போப் பிரான்சிஸுக்கு நீண்ட காலமாகவே உடல்நலப் பிரச்னைகள் இருந்துவருகின்றன. இந்த நிலையில், அவருக்கு மூச்சுக் குழாய் அழற்சி (பிராங்கைடஸ்) இருப்பது கடந்த 6-ஆம் தேதி கண்டறியப்பட்டது. இருந்தாலும் அவா் தொடா்ந்து மதப் பணிகளை ஆற்றிவந்தாா். எனினும், வெள்ளிக்கிழமை அவரின் முகம் மிகவும் வீக்கமடைந்து வெளிறியதைத் தொடா்ந்து, ரோம் நகரின் ஜெமிலி மருத்துவமனையில் அவா் அனுமதிக்கப்பட்டுள்ளாா் என்று வாடிகன் வெளியிட்டுள்ள அறிக்கையில் தெரிவிக்கப்பட்டுள்ளது.
