திருநெல்வேலி, தென்காசி மாவட்டங்களில் விதிமீறலில் ஈடுபட்டதாக 62 வணிக நிறுவனங்கள் மீது தொழிலாளா் துறை நடவடிக்கை எடுத்துள்ளது.
இது தொடா்பாக தொழிலாளா் உதவி ஆணையா் (அமலாக்கம்) க. திருவள்ளுவன் வெளியி’ட்ட செய்திக் குறிப்பு:
திருநெல்வேலி, தொழிலாளா் உதவி ஆணையா் (அமலாக்கம்) தலைமையில், அனைத்து தொழிலாளா் துணை/உதவி ஆய்வாளா்கள் அடங்கிய குழுவினா் திருநெல்வேலி, தென்காசி மாவட்டங்களில், எடையளவுகள் தயாரிப்பாளா்/விற்பனையாளா்/பழுது பாா்ப்பவா் நிறுவனங்களில் 2009 ஆம் ஆண்டு சட்டமுறை எடையளவு சட்டத்தின் கீழ் ஆய்வு மேற்கொள்ளப்பட்டது. பல்வேறு பிரிவுகளின் கீழ் காணப்பட்ட முரண்பாடுகளுக்காக மொத்தம் 52 நிறுவனங்கள் மீது நடவடிக்கை எடுக்கப்பட்டு வருகிறது.
இதேபோல், பேருந்து நிலைய கடைகள், தாபாக்கள், மோட்டல்கள், நிறுவனங்கள், சினிமா திரையரங்கு, மால்கள், தண்ணீா் பாட்டில்கள், வெளிநாட்டு சிகரெட்டுகள், சிகரெட் லைட்டா்கள் விற்பனை செய்யும் நிறுவனங்களில் சட்டமுறை எடையளவு பொட்டலப் பொருள்கள் விதிகள் 2011-ன் கீழ் ஆய்வு மேற்கொள்ளப்பட்டது.
அதில், பொட்டலப் பொருள்களில் தயாரிப்பாளா்களின் பெயா் மற்றும் முழு முகவரி, தயாரிக்கப்பட்ட மாதம், ஆண்டு, காலாவதி தேதி, நிகர எடை மற்றும் அதிகபட்ச சில்லறை விற்பனை விலை முதலான அறிவிப்புகள் இல்லாமல் விற்பனை செய்த 7 நிறுவனங்கள், பொட்டலமிடுபவா்/ இறக்குமதியாளா் பதிவுச் சான்று பெறாத 3 நிறுவனங்களில் முரண்பாடுகள் கண்டறியப்பட்டு சம்பந்தப்பட்ட உரிமையாளா்கள் மீது தொடா் நடவடிக்கை மேற்கொள்ளப்பட்டு வருகிறது.
வணிக நிறுவனங்களில் காணப்படும் எடையளவுப் பொருள்கள் மற்றும் எடையளவு கருவிகளை உரிய கால இடைவெளியில் உரிய வழியில் மறுபரிசீலனை செய்து சான்று பெற கேட்டுக் கொள்ளப்படுகிறது. தவறும் பட்சத்தில் உரிய காலக்கெடுவிற்குள் மறுபரிசீலனை செய்து சான்று பெறாத வணிக நிறுவனங்கள் மீது ரூ.50,000 வரை அபராதம் விதிக்க நேரிடும்.
