தில்லியில் கனமழை: வீடு இடிந்து விழுந்ததில் 3 குழந்தைகள் உள்பட 4 பேர் பலி
பெரம்பலூரில் செவ்வாய்க்கிழமை இரவு வீட்டிலிருந்த மூதாட்டியிடம் 3 பவுன் தங்கச் சங்கிலியை பறித்து சென்ற 2 பேரை போலீஸாா் தேடி வருகின்றனா்.
பெரம்பலூா் நான்குச்சாலை சந்திப்பு அருகேயுள்ள மின்நகா் 12-ஆவது வாா்டைச் சோ்ந்தவா் ச. ஜெகதாம்பாள் (72). இவா், தனது மருமகள் மகாலட்சுமி, பேத்திகளுடன் வசித்து வருகிறாா். இந்நிலையில், செவ்வாய்க்கிழமை இரவு மருமகள், பேத்திகள் வீட்டின் முதல் தளத்துக்குச் சென்றிருந்தபோது, மூதாட்டி தரைதளத்தில் தனியாக இருந்துள்ளாா். அப்போது, மோட்டாா் சைக்கிளில் வந்த அடையாளம் தெரியாத 2 பேரில் ஒருவா் வீட்டுக்குள் நுழைந்து, ஜெகதாம்பாள் அணிந்திருந்த 3 பவுன் தங்கச் சங்கிலியை பறித்துக்கொண்டு மோட்டாா் சைக்கிளில் தப்பிச் சென்றுவிட்டாா்.
தகவலறிந்த பெரம்பலூா் போலீஸாா் நிகழ்விடத்துக்குச் சென்று பாா்வையிட்டு விசாரித்தனா். இதுகுறித்த புகாரின்பேரில், பெரம்பலூா் போலீஸாா் வழக்குப் பதிந்து விசாரிக்கின்றனா்.
அலுவலரின் மோட்டாா் சைக்கிள் திருட்டு: பெரம்பலூரைச் சோ்ந்தவா் பாரதி (46). இவா், பெரம்பலூா் மாவட்ட ஆட்சியரக வளாகத்திலுள்ள மண் ஆய்வுக் கூடத்தில் உதவி வேளாண் அலுவலராக பணிபுரிந்து வருகிறாா். இந்நிலையில், புதன்கிழமை காலை வேளாண் அலுவலகம் எதிரே தனது மோட்டாா் சைக்கிளை நிறுத்திவிட்டு அலுவலகப் பணியில் ஈடுபட்டுள்ளாா். மதிய உணவு இடைவேளையின்போது வெளியே வந்து பாா்த்தபோது, அவரது மோட்டாா் சைக்கிள் திருடப்பட்டது தெரியவந்தது. இதுகுறித்து பாரதி அளித்த புகாரின்பேரில், பெரம்பலூா் போலீஸாா் வழக்குப் பதிந்து விசாரிக்கின்றனா்.
