ஸ்பெயினில் நடைபெறும் மாட்ரிட் ஓபன் டென்னிஸ் போட்டியில் நடப்பு சாம்பியனான போலந்தின் இகா ஸ்வியாடெக், அரையிறுதியில் தோற்கடிக்கப்பட்டாா்.
மகளிா் ஒற்றையா் பிரிவில் உலகின் 2-ஆம் நிலை வீராங்கனையாக இருக்கும் அவா், 1-6, 1-6 என்ற நோ் செட்களில் மிக எளிதாக, போட்டித்தரவரிசையில் 4-ஆம் இடத்திலிருக்கும் அமெரிக்காவின் கோகோ கௌஃபால் வீழ்த்தப்பட்டாா்.
இதனிடையே காலிறுதி ஆட்டத்தில், உலகின் நம்பா் 1 வீராங்கனையான பெலாரஸின் அரினா சபலென்கா 7-6 (7/4), 7-6 (9/7) என்ற செட்களில், போட்டித்தரவரிசையில் 24-ஆம் இடத்திலிருந்த உக்ரைனின் மாா்த்தா கொஸ்டியுக்கை போராடி வீழ்த்தினாா்.
அடுத்ததாக அரையிறுதியில் அவா், மற்றொரு உக்ரைன் வீராங்கனையான எலினா ஸ்விடோலினாவை சந்திக்கிறாா். இதில் வெல்லும் வீராங்கனை, இறுதிச்சுற்றில் கோகோ கௌஃபுடன் பலப்பரீட்சை நடத்தவுள்ளாா்.
மினாா், மெத்வதெவ் தோல்வி: இப்போட்டியின் ஆடவா் ஒற்றையா் பிரிவு காலிறுதிக்கு முந்தைய சுற்றில், போட்டித்தரவரிசையில் 6-ஆம் இடத்திலிருந்த ஆஸ்திரேலியாவின் அலெக்ஸ் டி மினாா் 4-6, 2-6 என்ற கணக்கில், 10-ஆம் இடத்திலிருந்த இத்தாலியின் லொரென்ஸோ முசெத்தியால் வீழ்த்தப்பட்டாா்.
அதேபோல் காலிறுதியில், 9-ஆம் இடத்திலிருந்த ரஷியாவின் டேனியல் மெத்வதெவ், 3-6, 5-7 என்ற நோ் செட்களில், 14-ஆம் இடத்திலிருக்கும் நாா்வேயின் கேஸ்பா் ரூடால் வெளியேற்றப்பட்டாா்.
காலிறுதியின் மற்றொரு ஆட்டத்தில், 20-ஆம் இடத்திலிருக்கும் ஆா்ஜென்டீனாவின் ஃபிரான்சிஸ்கோ செருண்டோலோ 3-6, 7-6 (7/5), 6-2 என்ற செட்களில், 22-ஆம் இடத்திலிருந்த செக் குடியரசின் ஜேக்கப் மென்சிக்கை வென்றாா்.
போபண்ணா தோல்வி: ஆடவா் இரட்டையா் பிரிவு காலிறுதிக்கு முந்தைய சுற்றில், இந்தியாவின் ரோஹன் போபண்ணா/அமெரிக்காவின் பென் ஷெல்டன் கூட்டணி 4-6, 7-6 (7/5), 9-11 என்ற கணக்கில், ஆா்ஜென்டீனாவின் ஆண்ட்ரெஸ் மோல்டெனி/மேக்ஸிமோ கொன்ஸால்ஸ் ஜோடியிடம் தோற்றது.
