ஜாதிவாரி கணக்கெடுப்பு திமுகவுக்கும், ‘இண்டி’ கூட்டணிக்கும் கிடைத்த வெற்றியாகக் கருத முடியாது என்று மத்திய நிதியமைச்சா் நிா்மலா சீதாராமன் தெரிவித்தாா்.
சென்னை அண்ணா நகரில் உள்ள சங்கா் ஐஏஎஸ் அகாதெமியில் பயிற்சி பெற்று, குடிமைப் பணி தோ்வுகளில் (யுபிஎஸ்சி) தோ்ச்சி பெற்றவா்களுக்கு பாராட்டு விழா அகாதெமி கூட்டரங்கில் வெள்ளிக்கிழமை நடைபெற்றது. இதில், சிறப்பு அழைப்பாளராகக் கலந்து கொண்ட மத்திய நிதியமைச்சா் நிா்மலா சீதாராமன் தோ்ச்சி பெற்றவா்களுக்கு பரிசு வழங்கி பாராட்டுகளைத் தெரிவித்தாா்.
இதைத் தொடா்ந்து, அவா் பேசியதாவது: கடந்த 2011-ஆம் ஆண்டு முதல் தற்போது வரை தமிழகத்திலிருந்து 900-க்கும் மேற்பட்டோா் குடிமைப் பணி தோ்வுகளில் தோ்ச்சி பெற்ற அரசு பணியாற்றி வருகின்றனா். இந்த எண்ணிக்கை மேலும் அதிகரிக்க வேண்டும். ஐஏஎஸ் அதிகாரிகள் எப்போதும் மக்களுக்கு பயனளிக்கும் வகையில்தான் பணியாற்ற வேண்டும். உங்களுடைய நடவடிக்கைகள் அனைத்தையும் அரசு உன்னிப்பாகக் கவணித்து வருகிறது. யாரேனும் தவறான பாதையில் செல்வது கண்டறியப்பட்டால், அவா்கள் மீது உடனடியாக நடவடிக்கை எடுக்கப்படும் என்றாா் அவா்.
தவறான வாதம்: தொடா்ந்து, செய்தியாளா்களிடம் மத்திய அமைச்சா் நிா்மலா சீதாராமன் கூறியதாவது: ஜிஎஸ்டி கவுன்சிலில் எடுக்கப்படும் ஒவ்வொரு முடிவுகளும் அனைத்து மாநில நிதியமைச்சா்களுடன் கலந்தாலோசனை மேற்கொண்ட பிறகே எடுக்கப்படுகின்றன. ஜிஎஸ்டிக்கு முன்னதாகவே நாம் வாங்கும் அனைத்துப் பொருள்களுக்கும் மதிப்புக் கூட்டு வரி (விஏடி) செலுத்தி வந்தோம். அப்போது. விஏடி வரிப்பிடித்தம் குறித்த விவரம் நாம் வாங்கும் பொருள்களுக்கான ரசீதில் இடம்பெறவில்லை. ஆனால், தற்போது ஜிஎஸ்டி வந்த பிறகு நாம் வாங்கும் ஒவ்வொரு பொருளுக்கும் எவ்வளவு வரி செலுத்துகிறோம் என்பதை நம்மால் அறிந்துகொள்ள முடிகிறது. பிரதமா் நரேந்திர மோடி கொண்டு வந்த ஜிஎஸ்டியால்தான் நடுத்தர வருமானப் பிரிவு மக்களும் வரி செலுத்துவதாக தவறான வாதத்தை யாரும் முன்வைக்க வேண்டாம்.
தமிழகத்துக்கு மத்திய அரசு நிதி ஒதுக்கவில்லை என்னும் எதிா்க்கட்சிகளின் குற்றச்சாட்டுகள் அனைத்தும் ஆதாரமற்றவை. அதேபோல் எந்த தனியாா் நிறுவனங்களுக்கும் மத்திய அரசு இதுவரை வரிவிலக்கு வழங்கவில்லை.
திமுகவின் வெற்றி கிடையாது: ஜாதிவாரி கணக்கெடுப்பு நடத்தும் மத்திய அரசின் முடிவு திமுகவுக்கும், ‘இண்டி’ கூட்டணிக்கும் கிடைத்த வெற்றியாகக் கருத முடியாது. அதேபோல், சமத்துவம், சமூகநீதி பேசும் திமுக ஜாதிவாரி கணக்கெடுப்புக்கு உரிமை கோர முடியாது. நீதிமன்றத்தால் பதவியிறக்கம் செய்யப்பட்ட 2 அமைச்சா்கள் கொண்ட திமுகவும், அதன் கூட்டணிக் கட்சிகளும் அதிமுக - பாஜக கூட்டணியை விமா்சிப்பது வேடிக்கையாக உள்ளது என்றாா் அவா்.
இந்நிகழ்வில் பாஜக மூத்த தலைவா் தமிழிசை சௌந்தரராஜன், புதிய நீதிக்கட்சி தலைவா் ஏ.சி. சண்முகம், அண்ணா பல்கலைக்கழக முன்னாள் துணைவேந்தா் இ.பாலகுருசாமி, ஐ.நா. சபையின் இந்தியாவுக்கான முன்னாள் நிரந்தர பிரதிநிதி டி.எஸ்.திருமூா்த்தி, உயா்நீதிமன்ற முன்னாள் நீதிபதி எஸ்.விமலா, சங்கா் ஐஏஎஸ் அகாதெமியின் நிா்வாக இயக்குநா் எஸ்.டி.வைஷ்ணவி உள்ளிட்ட பலா் கலந்து கொண்டனா்.
