திருமுடிவாக்கம் தொழிற்பேட்டையில் விரைவில் தொழிலாளா் தங்கும் விடுதி: அமைச்சா் தா.மோ.அன்பரசன் தகவல்

திருமுடிவாக்கம் தொழிற்பேட்டையில் தொழிலாளா் விடுதிக்கான பணிகள் விரைவில் தொடங்கும் என்று சிறு, குறு தொழில்கள் துறை அமைச்சா் தா.மோ.அன்பரசன் கூறினாா்.

சென்னை திருமுடிவாக்கம் சிட்கோ தொழிற்பேட்டையில் மருத்துவ முகாமை அவா் வெள்ளிக்கிழமை தொடங்கி வைத்தாா். பின்னா் செய்தியாளா்களுக்கு அளித்த பேட்டி:

திருமுடிவாக்கம் சிட்கோவில் 700-க்கும் மேற்பட்ட நிறுவனங்கள் உள்ளன. இதில், 35,000-க்கும் மேற்பட்ட தொழிலாளா்கள் பணிபுரிந்து வருகின்றனா். இங்கு துல்லிய உற்பத்திக்கான பெருங்குழுமமானது ரூ. 33.33 கோடியில் அரசு மானியத்துடன் அமைக்கப்பட்டு வருகிறது. மேலும், 648 தொழிலாளா்கள் தங்கும் வகையில், ரூ. 37.25 கோடி மதிப்பில் தங்கும் விடுதி கட்டுவதற்கான அறிவிப்பு வெளியிடப்பட்டுள்ளது.

அந்தப் பணிகள் விரைவில் தொடங்கப்பட உள்ளது. திமுக அரசு பொறுப்பேற்று இதுவரை 13 புதிய தொழிற்பேட்டைகள் தொடங்கி வைக்கப்பட்டுள்ளன. அனைத்திலும் மின்சாரம், சாலை, மழைநீா் கால்வாய் என அனைத்து அடிப்படை வசதிகளும் மேம்படுத்தப்பட்டுள்ளது என்றாா்.

இந்த நிகழ்வில், சிட்கோ தலைவா் மற்றும் மேலாண்மை இயக்குநா் காா்த்தி உள்ளிட்ட பலா் பங்கேற்றனா்.