ஸ்ரீபெரும்புதூா்: காஞ்சிபுரத்தில் செவ்வாய்க்கிழமை நடைபெற்ற மாற்றுத்திறனாளிகள் தினவிழாவில் 143 பேருக்கு ரூ.21.86 லட்சம் உதவி உபகரணங்களை அமைச்சா் ஆா்.காந்தி வழங்கினாா்.
காஞ்சிபுரம் மாவட்ட மாற்றுத்திறனாளிகள் நலத்துறை சாா்பில் நடைபெற்ற நிகழ்வுக்கு ஆட்சியா் கலைச்செல்வி மோகன் தலைமை வகித்தாா். கைத்தறி அமைச்சா் ஆா்.காந்தி கலந்து கொண்டு உதவி உபகரணங்களை வழங்கினாா். இதையடுத்து
மாவட்ட அளவில் நடைபெற்ற மாற்றுத்திறனாளிகளுக்கான விளையாட்டு போட்டிகளில் வெற்றி பெற்ற மாணவா்களுக்கு பரிசு, பாராட்டுச் சான்றிதழ்களை வழங்கினாா்.
மேலும் மாற்றுத்திறனாளிகளுக்கு சிறப்பாக சேவை செய்த மருத்துவா்களுக்கு பாராட்டுச் சான்றிதழ்களையும் வழங்கினாா். பின்பு மாற்றுத்திறனாளி குழந்தைகளின் கலை நிகழ்ச்சிகளையும் அமைச்சா் ஆா்.காந்தி பாா்வையிட்டாா்.
நிகழ்ச்சியில், உத்திரமேரூா் சட்டப்பேரவை உறுப்பினா் க.சுந்தா், மாவட்ட ஊராட்சித் தலைவா் படப்பை ஆ.மனோகரன், காஞ்சிபுரம் மேயா் எம்.மகாலட்சுமி யுவராஜ், மாவட்ட மாற்றுத்திறனாளிகள் நல அலுவலா் ரா.மலா்விழி, உள்ளாட்சி பிரதிநிதிகள், மாற்றுத்திறனாளிகள் மற்றும் பொதுமக்கள் கலந்து கொண்டனா்.
