15 ஆண்டுகளாகத் தலைமறைவாக இருந்த ம.பி.யைச் சோ்ந்த கொலைக் குற்றவாளி கைது

மத்தியப் பிரதேசத்தைச் சோ்ந்த கொலைக் குற்றவாளியை குருகிராம் காவல்துறையினா் கைது செய்துள்ளனா். அவா் கடந்த 15 ஆண்டுகளாகத் தலைமறைவாக இருந்தாா் என்று அதிகாரிகள் தெரிவித்தனா்.

இது குறித்து குருகிராம் காவல்துறையின் செய்தித் தொடா்பாளா் சனிக்கிழமை கூறியதாவது: மத்தியப் பிரதேசத்தின் தாமோவைச் சோ்ந்த தினேஷ் அஹிா்வாா், 2009-ஆம் ஆண்டு பணத் தகராறில் மானேசரில் தனது நண்பரை அடித்துக் கொன்று, உடலை தீ வைத்து எரித்ததாக குற்றம் சாட்டப்பட்டாா்.

குற்றம் சாட்டப்பட்டவா் கடந்த 15 ஆண்டுகளாக தனது இருப்பிடத்தை மாற்றிக் கொண்டே இருந்தாா். அந்த நேரத்தில் அவா் ரேவாரி, சண்டீகா் மற்றும் பிற இடங்களில் ஒரு கொத்தனாா் வேலை செய்து வந்துள்ளாா்.

காவல் துணை ஆய்வாளா் தீபக் குமாா் தலைமையிலான குழு வியாழக்கிழமை தாமோவில் இருந்து தினேஷ் அஹிா்வாரை கைது செய்தது. அவா் 15 ஆண்டுகளாக தலைமறைவாக இருந்தாா். அவா் குறித்து தகவல் அளிப்போருக்கு ரூ.5,000 வெகுமதியும் அறிவிக்கப்பட்டிருந்தது.

பணத் தகராறு தொடா்பாக தினேஷ் அஹிா்வாரும் அவரது இரண்டு கூட்டாளிகளும் மானேசரில் நடந்த கொலையில், தாமோவில் வசிக்கும் பகீரத்தை அடித்துக் கொன்றனா். தாக்குதல் நடத்திய பிறகு, குற்றம் சாட்டப்பட்டவா் பகீரத் மீது டா்பெண்டைன் எண்ணெய்யை ஊற்றி தீ வைத்ததாகக் கூறப்படுகிறது. பகீரத் அருகிலுள்ள மருத்துவமனையில் அனுமதிக்கப்பட்டாா். ஆனால், அங்கு அவா் சிகிச்சையின் போது உயிரிழந்தாா்.

இந்த வழக்கில் மற்றொரு குற்றவாளியான மத்தியப் பிரதேசத்தில் உள்ள சத்தா்பூரைச் சோ்ந்த சித்த் லாலை ஹரியாணாவின் சா்கி தாத்ரி மாவட்டத்தில் இருந்து மே 12 அன்று போலீஸாா் கைது செய்தனா்.

குற்றம்சாட்டப்பட்டவரிடம் நாங்கள் தொடா்ந்து விசாரணை நடத்தி வருகிறோம் என்று செய்தித் தொடா்பாளா் தெரிவித்தாா்.