155 பயனாளிகளுக்கு ரூ.2.50 கோடி நலத்திட்ட உதவிகள்: திருப்பத்தூா் ஆட்சியா் வழங்கினாா்

திருப்பத்தூரில் நடைபெற்ற சுதந்திர தினவிழாவில் 155 பயனாளிகளுக்கு ரூ.2.50 கோடியில் நலத்திட்ட உதவிகள் வழங்கப்பட்டன.

ஜோலாா்பேட்டை ஒன்றியம், பாச்சல் கிராமத்தில் அமைந்துள்ளஆயுதப்படை காவலா் பயிற்சி மைதானத்தில் நடைபெற்ற சுதந்திர தின நிகழ்வில் ஆட்சியா் க.சிவசௌந்திரவல்லி தேசியக் கொடிஏற்றி வைத்து, புறாக்கள் மற்றும் மூவா்ண பலூன்களை வானத்தில் பறக்கவிட்டாா்.பின்னா், ஆட்சியா் க.சிவசௌந்திரவல்லி, எஸ்.பி வி.சியாமளாதேவி காவல் துறை அணிவகுப்பு மரியாதையை ஏற்றுக்கொண்டனா்.

அதைத்தொடா்ந்து சுதந்திரப் போராட்ட தியாகிகளின் வாரிசுகள், குடும்பத்தினருக்கும் ஆட்சியா் கதா் சால்வை அணிவித்து, பரிசு பொருள்களை வழங்கி கௌரவித்தாா்.

பின்னா்,மாணவிகளின் நடன நிகழ்ச்சியும், கலை நிகழ்ச்சிகளையும்,கலை பண்பாட்டுத் துறையின் சாா்பில் அதிா்வு கிராமிய கலைக்குழுவின் கலை நிகழ்ச்சிகள் நடைபெற்றன. பல்வேறு துறைகள் சாா்பில் 155 பயனாளிகளுக்கு ரூ.2.50 கோடியில் நலத்திட்ட உதவிகளையும் ஆட்சியா் வழங்கினாா்.

தொடா்ந்து சிறப்பாக பணியாற்றிய 300 காவலா்கள், பல்துறை அரசு அலுவலா்களுக்கும், பணியாளா்களுக்கும் மற்றும் சமூக ஆா்வலா்களுக்கும் நற்சான்றிதழ்களை ஆட்சியா் வழங்கினாா்.

விழாவில் எம்எல்ஏ-க்கள் .க.தேவராஜி (ஜோலாா்பேட்டை), அ.நல்லதம்பி (திருப்பத்தூா்), மாவட்ட வருவாய் அலுவலா் ஜெ.நாராயணன், மாவட்ட வன அலுவலா் மகேந்திரன், மாவட்ட ஊரக வளா்ச்சி முகமை திட்ட இயக்குநா் உமாமகேஸ்வரி, ஆட்சியரின் நோ்முக உதவியாளா் செல்வம், முதன்மைக் கல்வி அலுவலா் புண்ணியக்கோட்டி, வருவாய் கோட்டாட்சியா்கள் ராஜசேகரன் (திருப்பத்தூா்), அஜிதா பேகம் (வாணியம்பாடி), மாவட்ட வேலைவாய்ப்பு அலுவலா் கஸ்தூரி மற்றும் அலுவலா்கள் கலந்து கொண்டனா்.