தமிழகத்தில் வரும் 2026-இல் அதிமுக ஆட்சி அமையப் போவது உறுதி என அதன் பொதுச் செயலாளா் எடப்பாடி கே.பழனிசாமி பேசினாா்.
அரக்கோணம் அரிகலபாடியில் ஞாயிற்றுக்கிழமை நடைபெற்ற எம்எல்ஏ சு.ரவியின் மகன் ஆா்.ஹரிஹரன்- மருத்துவா் வி.வினோ ஐஸ்வா்யா திருமணத்தை நடத்தி வைத்து எடப்பாடி கே.பழனிச்சாமி பேசியது:
வரும் சட்டப் பேரவை தோ்தலுக்காக அதிமுக தலைமையில் கூட்டணி அமைக்கப்பட்டு விட்டது. இக்கூட்டணியில் மேலும் பல கட்சிகள் வர உள்ளன. வரும் தோ்தலில் அதிமுக வெற்றிப்பெறும். 2026-இல் அதிமுக ஆட்சி அமையப்போவது உறுதி.
2011 முதல் 2021 வரை தமிழகத்தில் எண்ணற்ற திட்டங்களை கொண்டு வந்தது அதிமுக . ராணிப்பேட்டை மாவட்டத்தை புதிதாக உருவாக்கினோம்.
ஒரே ஆண்டில் 11 மருத்துவக்கல்லூரிகள், 6 சட்டக்கல்லூரிகள், பல பொறியியல் கல்லூரிகள், அதிக எண்ணிக்கையில் கலை மற்றும் அறிவியல் கல்லூரிகளை கொண்டு வந்தது அதிமுக ஆட்சி தான். சாதாரண ஏழை குடும்பத்து மாணவா்கள் கூட மருத்துவக்கல்வி பயிலும் சூழ்நிலையை உருவாக்கியது அதிமுக.
அதிமுக ஆட்சியில் உருவாக்கப்பட்டது தான் குடிமராமத்து திட்டம். விவசாயிகளுக்கு வண்டல் மண் எடுத்துக்கொள்ள அனுமதி அளித்தோம். இத்திட்டத்தால் ஒரு பக்கம் ஏரி ஆழமாகிறது, மறுபக்கம் விவசாயிகளுக்கு நிலத்திற்கு விளைச்சலுக்கு வண்டல்மண் உதவுகிறது.
தமிழகத்தில் அரசுப் பள்ளிகளில் 41 சதம் அதாவது 3.70 லட்சம் மாணவா்கள் படித்து வருகின்றனா். இவா்களுக்கு மருத்துவக்கல்வி எட்டாக்கனியாக இருந்தபோது 7.5 சதவிகித சட்டத்தை கொண்டு வந்து ஏழை மாணவா்களையும் மருத்துவா்களாக மாற்றியது அதிமுக அரசு. மேலும் மருத்துவக்கல்லூரிகளில் சேரும் அதற்குண்டான கட்டணத்தை அவா்கள் கட்ட முடியவில்லை என தெரிந்து அவா்களை செலவு செய்யவிடாமல் அனைத்து கல்விக்க ட்டணங்களையும் அரசே ஏற்கும் என அறிவித்தது அதிமுக அரசு.
சுகாதாரத் துறை இந்தியாவிலேயே முதல் இடம் பெற்றது அதிமுக ஆட்சியில் தான். எனவே வரும் தோ்தலில் அதிமுகவினா் அனைவரும் ஒன்றிணைந்து பணியாற்றி வெற்றிப்பெற செய்ய வேண்டும் என்றாா் எடப்பாடி கே.பழனிச்சாமி.
விழாவில் சென்னை உயா்நீதிமன்ற நீதியரசா் ரமேஷ், மாநிலங்களைவை தோ்தல் அதிமுக வேட்பாளா் தனபால், முன்னாள் எம்.பி. கோ.அரி, முன்னாள் அமைச்சா் கே.சி.வீரமணி, புரட்சி பாரதம் கட்சி தலைவரும் கே.வி.குப்பம் தொகுதி எம்எல்ஏவுமான ஜெகன்மூரத்தி, அதிமுக அமைப்பு செயலாளா் ராமு, மாவட்ட செயலாளா்கள் எஸ்.ஆா்.கே.அப்பு, சுகுமாா், மாநில அணி துணை செயலாளா்கள் ஷியாம் குமாா் எஸ்.பன்னீா்செல்வம், எம்.எஸ்.மான்மல், , நகர செயலாளா் கே.பா.பாண்டுரங்கன், ஒன்றிய செயலாளா்கள் ஏ.ஜி.விஜயன், இ.பிரகாஷ், பழனி, மாவட்ட இளைஞரணி செயலா் பி.ஏ.பாலு, தகவல் தொடா்பு அணி செயலாளா் ஜானகிராமன், நகரமன்ற உறுப்பினா்கள் நரசிம்மன், பாபு, சரவணன் உள்ளிட்ட பலா் கலந்து கொண்டனா்.
