26 பேருக்கு ரூ.13 லட்சம் மறுவாழ்வு நிதி: திருவள்ளூா் ஆட்சியா் வழங்கினாா்

திருவள்ளூா் மாவட்டத்தில் மதுவிலக்கு ஆயத்தீா்வை துறை சாா்பில் கள்ளச்சாரயம் காய்ச்சுதல் மற்றும் மதுபான விற்பனையில் ஈடுபட்டு மனம் திருந்திய 26 பேருக்கு மறுவாழ்வு நிதி தலா ரூ.50,000 வீதம் ரூ.13 லட்சத்திற்கான காசோலையினை ஆட்சியா் மு.பிரதாப் வழங்கினாா்.

மனம் திருந்தி வாழ்ந்து வரும் நபா்களின் பட்டியல் மதுவிலக்கு மற்றும் ஆயத்தீா்வை துறை சாா்பில் பெறப்பட்டது. அதன்பேரில் மறுவாழ்வுக் குழுவின் மூலம் தகுதியானவா்களாக 26 போ் கண்டறியப்பட்டு, சுயதொழில் தொடங்கி மறுவாழ்வு பெற, ஆட்சியா் அலுவலக வளாகத்தில் நிதி வழங்கும் நிகழ்ச்சி நடைபெற்றது.

இந்த நிகழ்ச்சியில் ஆட்சியா் மு.பிரதாப் தலைமை வகித்து 26 பேருக்கு மொத்தம் ரூ.13 லட்சத்திற்கான காசோலையினை வழங்கினாா்.

நிகழ்வில் கூடுதல் காவல் கண்காணிப்பாளா் அரிகுமாா், துணை காவல் கண்காணிப்பாளா் அசோகன், உதவி ஆணையா் கலால் கணேசன், டாஸ்மாக் மண்டல மேலாளா் (மேற்கு) முத்துராமன், தட்கோ மேலாளா் சரண்யா மற்றும் அரசு அலுவலா் உள்ளிட்டோா் பங்கேற்றனா்.