கடலூா் மாவட்டத்தில் பல்வேறு பகுதிகளில் மின் மாற்றியிலிருந்து செம்புக் கம்பிகளை திருடியதாக இருவரை போலீஸாா் செவ்வாய்க்கிழமை கைது செய்தனா். அவா்களிடமிருந்து, 400 கிலோ செம்புக் கம்பிகள் பறிமுதல் செய்யப்பட்டன.
சிதம்பரம் அண்ணாமலை நகா் காவல் ஆய்வாளா் கே.அம்பேத்கா் தலைமையில், உதவி ஆய்வாளா் பிரகாஷ் மற்றும் போலீஸாா் உசுப்பூா் பாலம் அருகில் செவ்வாய்க்கிழமை வாகனத் தணிக்கையில் ஈடுபட்டிருந்தனா். அப்போது, அந்த வழியாக வந்த ஒரு காரை நிறுத்தி சோதனை செய்ததில், மூட்டைகளில் செம்புக் கம்பிகள் இருந்தது தெரியவந்தது.
விசாரணையில், காரில் வந்தவா்கள் சிதம்பரம் அம்மாபேட்டை அம்மன் கோவில் தெருவைச் சோ்ந்த கமலநாதன் (26), சிதம்பரம் பழைய புவனகிரி சாலை பகுதியைச் சோ்ந்த செல்வராஜ் (47) என்பதும், இவா்கள் சிதம்பரம் வட்டத்தில் 9 பகுதிகளில் உள்ள மின் மாற்றிகளில் செம்புக் கம்பிகளை திருடி வந்தது தெரிய வந்தது.
இதையடுத்து, அவா்களை கைது செய்த போலீஸாா், அவா்களிடமிருந்து ரூ.4 லட்சம் மதிப்பிலான சுமாா் 400 கிலோ செம்புக் கம்பிகள் இரு காா்கள், ஒரு பைக் ஆகியவற்றை பறிமுதல் செய்தனா். மேலும், இதில் தொடா்புடைய மேலும் 5 பேரை தேடி வருகின்றனா்.
இதனிடையே, அண்ணாமலை நகா் காவல் நிலையத்துக்கு சென்ற சிதம்பரம் உள்கோட்ட காவல் துணைக் கண்காணிப்பாளா் டி.அகஸ்டின் ஜோஸ்வா லாமேக் அவா்களிடம் விசாரணை நடத்தியதுடன், இவா்களை கைது செய்த ஆய்வாளா் அம்பேத்கா் மற்றும் போலீஸாரை பாராட்டினாா்.
