BB Tamil 8: களமிறங்கும் வைல்ட் கார்ட் போட்டியாளர்கள்; வெளியான அறிவிப்பு- அதிர்ச்சியில் ஹவுஸ்மேட்ஸ்

பிக் பாஸ் நிகழ்ச்சியின் 92வது நாளுக்கான இரண்டாவது புரோமோ வெளியாகி இருக்கிறது.

பிக் பாஸ் நிகழ்ச்சி இப்போது இறுதிக் கட்டத்தை நெருங்கி நகர்ந்துகொண்டிருக்கிறது. கடந்த வாரம் TTF டாஸ்க் நடைபெற்றது. இறுதிப் போட்டிக்கான முதல் போட்டியாளராக ரயான் தேர்வாகி இருக்கிறார். இந்த சீசனின் கடைசி போட்டியாளராக வந்து இப்போது முதல் பைனலிஸ்டாக இவர் மாறி இருக்கிறார். இதனிடையே ராணவ், மஞ்சரி ஆகியோர் வெளியேறி இருக்கின்றனர்.

இந்நிலையில் இன்று (ஜனவரி 6) வெளியாகி இருக்கும் இரண்டாவது புரோமோவில் பிக் பாஸ் ஒரு அதிரடியான அறிவிப்பு ஒன்றை வெளியிட்டிருக்கிறார்.

அதில் வைல்ட் கார்ட் என்ட்ரியில் உங்களுடன் ஏற்கெனவே மோதிய சகப்போட்டியாளர்கள் உள்ளே வரப்போகிறர்கள் அவர்களுடன் நீங்கள் மீண்டும் மோத வேண்டும் என்று பிக் பாஸ் அறிவிக்கிறார்.

போட்டியாளர்கள் அனைவரும் அதிர்ச்சி அடைகின்றனர். 'முதலில் இருந்து ஆரம்பிக்க வேண்டுமா?' என்று ஜாக்குலின் கேட்க, 'இருக்க போகிற இந்த 14 நாட்களில் நம்முடைய உழைப்பை முழுமையாகச் செலுத்தினோம் என்ற நிம்மதியுடன் போவதற்கு இது ஒரு நல்ல வாய்ப்பு' என்று முத்துகுமரன் கூறுகிறார்.