Switzerland: எண் 11 -ஐ அதிகம் விரும்பும் ஸ்விஸ் நகர மக்கள்... என்ன காரணம் தெரியுமா?

சுவிட்சர்லாந்தில் அமைந்துள்ள ஒரு அழகிய நகரம்தான் சோலோதர்ன். அழகிய நிலப்பரப்புகளை கொண்ட இந்த நகரம், 11 என்ற எண்ணின் மீதான ஈர்ப்பாலும் தனித்து நிற்கிறது.

துல்லியமாக கணக்கிடப்பட்ட 11 தேவாலயங்கள், 11 அருங்காட்சியங்கள், 11 வரலாற்று நீரூற்றுகள், கோபுரங்கள் என அனைத்தும் 11 என்ற எண்ணிக்கையை சுற்றியே இருக்கிறது. இவ்வளவு ஏன் அந்த நகரத்தில் உள்ள பெரிய கடிகாரம் 11 மணிநேர டயலையை கொண்டுள்ளது. இந்த எண்ணியல் நிகழ்வு சோலோதர்னின் மக்களால் பரவலாக ஈர்க்கப்பட்டாலும் அதன் தோற்றம் மர்மமாகவே இருக்கிறது.

இந்த நகர மக்களின் வாழ்வை மேம்படுத்துவதற்காக அருகில் உள்ள மலையில் இருந்து ஒரு குட்டிச்சாத்தான் (elf) அவர்களுக்கு உதவி செய்ததாக கூறப்படுகிறது. நன்றி உணர்வின் அடையாளமாக இந்த நகர மக்கள் அந்த மாயைக்கு அஞ்சலி சேர்த்து விதமாக ஜெர்மன் மொழியில் 11 என்ற எண்ணாக கருதப்படும் elf-யை இதனுடன் இணைக்க தொடங்கினர்.

மற்றொரு கோட்பாடும் இதற்கு உள்ளது. 11 என்ற எண்ணின் மீதான மோகத்தை பைபிள் அர்த்தங்களுடன் இணைக்கின்றனர் நகர மக்கள். இதை ஒரு புனித எண்ணாக கருதுகின்றனர். அதன் உள்அர்த்ததைப் பொருட்படுத்தாமல், 11 என்ற எண் மீதான சோலோதர்ன் நகரின் மோகம் பல நூற்றாண்டுகளாக உள்ளது.