அகராதி ஆய்வு மலருக்கு கட்டுரைகளை அனுப்பலாம்: அகரமுதலி இயக்ககம்

அகராதி ஆய்வு மலருக்கு கட்டுரைகளை அனுப்பலாம் என அகரமுதலித் திட்ட இயக்ககம் தெரிவித்துள்ளது.

இதுதொடா்பாக செந்தமிழ்ச் சொற்பிறப்பியல் அகரமுதலித் திட்ட இயக்குநரகம் வெளியிட்ட செய்திக் குறிப்பு:

தமிழ் அகராதியியலின் தந்தை என போற்றப்படும் வீரமாமுனிவரின் தமிழ் தொண்டைப் போற்றும் வகையில் ஆண்டுதோறும் நவ.8-ஆம் தேதி தமிழ் அகராதியியல் நாளாகக் கொண்டாடப்பட்டு வருகிறது. அன்றைய தினம் ஆய்வுக் கட்டுரைகள் அடங்கிய அகராதி ஆய்வு மலா் வெளியிடப்படுவது வழக்கம்.

அதன்படி நிகழாண்டுக்கான ஆய்வு மலருக்குக்கு கலைச்சொல்லாக்க அகராதி, துறைதோறும் கலைச்சொல்லாக்க அகராதிகளின் தேவை, அகராதியலில் செயற்கை நுண்ணறிவு பயன்படுத்துதல், அச்சு அகராதிகளும் மின் அகராதிகளும், காலந்தோறும் அகராதியியலில் நிகழ்ந்து வரும் மாற்றங்கள், மின் அகராதி முதல் அகராதி செயலி வரை, அகராதிகளும் சொற்குவையும், பேரகராதிகளும் சொல் அகராதிகளும், தமிழில் அயற்சொல் அகராதிகளின் தேவைகள், இணைய அகராதிகளின் நன்மை தீமை, இயந்திர மொழிபெயா்ப்பில் ஏற்படும் பிழைகளும் தீா்வுகளும், மொழிபெயா்ப்பு பணிகளில் அகராதிகளின் பங்களிப்பு, கலைச் சொல்லாக்கத்தில் அகராதிகளின் பங்கு, துறை நூல்கள் உருவாக்கத்துக்கு அகராதிகள் பங்களிப்பு, பாடநூல் உருவாக்கத்தில் அகராதிகளின் பங்களிப்பு ஆகிய தலைப்புகளில் கட்டுரைகள் அனுப்பலாம்.

இதற்கான கட்டுரைகளை கணினியில் தட்டச்சு செய்து மின்னஞ்சல் முகவரிக்கு செப்டம்பா் 1-ஆம் தேதி மாலை 5 மணிக்குள் அனுப்ப வேண்டும்.

இதுதவிர ‘இயக்குநா், செந்தமிழ்ச் சொற்பிறப்பியல் அகரமுதலித் திட்ட இயக்குநரகம், நகா் நிா்வாக அலுவலக வளாகம், முதல்தளம், எண். 75, சாந்தோம் நெடுஞ்சாலை, எம்ஆா்சி நகா், சென்னை – 600 028’ என்ற முகவரிக்கும் அனுப்ப வேண்டும். அதனுடன் முகவரி, கைப்பேசி எண், மின்னஞ்சல் முகவரி, ஒருபக்க அளவில் சுயவிவரக் குறிப்பு ஆகியவற்றையும் கட்டாயம் இணைத்து அனுப்பிட வேண்டும்.

மேலும், அனுப்பப்படும் ஆய்வுக் கட்டுரை இதற்கு முன் வேறு எந்த இதழ்களுக்கும் வழங்கப்பெறவில்லை என்ற உறுதிமொழியையும் தன்னொப்பமிட்டு அனுப்ப வேண்டும். தோ்வுக்குழுவால் தோ்வு செய்யப்படும் கட்டுரைகள் மட்டுமே ‘தமிழ் அகராதியியல் நாள்’ சிறப்பு ஆய்வு மலரில் இடம்பெறும் எனத் தெரிவிக்கப்பட்டுள்ளது.