சென்னை விரைவு ரயில்கள் நின்றுசெல்லும் நேரம் மாற்றியமைப்பு

வெளிமாநிலங்களில் இருந்து குண்டக்கல் ரயில் நிலையம் வழியாக சென்னை வரும் 6 விரைவு ரயில்கள் நேரம் மாற்றி அமைக்கப்பட்டுள்ளதாக அறிவிக்கப்பட்டுள்ளது.

இதுகுறித்து தெற்கு ரயில்வே புதன்கிழமை வெளியிட்டசெய்திக் குறிப்பு:

சிஎஸ்எம்டி மும்பை - சென்னை அதிவிரைவு ரயில் (எண்: 22159) குண்டக்கல் நிலையத்துக்கு ஜூலை 25=ஆம் தேதி முதல் பிற்பகல் 2.30 மணிக்கு வந்து பிற்பகல் 2.45 மணிக்கு புறப்படும். ஹுப்ளி - சென்னை சென்ட்ரல் வாரம் இருமுறை இயக்கப்படும் அதிவிரைவு ரயில் (எண்: 17313) குண்டக்கல்லில் ஜூலை 25-ஆம் தேதி முதல் பிற்பகல் 3.05 மணிக்கு வந்து பிற்பகல் 3.10 மணிக்குப் புறப்படும்.

ஏக்தாநகா் - சென்னை வாராந்திர அதிவிரைவு ரயில் (எண்: 20920) குண்டக்கல்லில் ஜூலை 30-ஆம் தேதி முதல் மாலை 6.55 மணிக்கு வந்து இரவு 7.05 மணிக்குப் புறப்படும். அகமதாபாத் - சென்னை வாராந்திர விரைவு ரயில் (எண்: 22920) குண்டக்கல்லில் ஜூலை 28-ஆம் தேதி முதல் இரவு 8 மணிக்கு வந்து 8.10 மணிக்குப் புறப்படும். மும்பை (லோக் மான்ய திலக்) - சென்னை அதிவிரைவு ரயில் (எண்: 12163) ஜூலை 25-ஆம் தேதி முதல் குண்டக்கல் நிலையத்துக்கு இரவு 8 மணிக்கு வந்து 8.10 மணிக்கு புறப்படும்.

புணே - கன்னியாகுமரி விரைவு ரயில் (எண்: 16381) ஜூலை 25-ஆம் தேதி முதல் குண்டக்கல் நிலையத்துக்கு இரவு 9.50 மணிக்கு வந்து இரவு 10 மணிக்கு புறப்படும் எனத் தெரிவிக்கப்பட்டுள்ளது.