அச்சிறுப்பாக்கம் அருகே பெரும்போ்கண்டிகை அங்காளம்மன் கோயிலில் கும்பாபிஷேகம் நடைபெற்றது.
அங்காளம்மன்கோயிலில் அனைத்து சுவாமி சந்நிதிகள், அா்த்தமண்டபம் திருப்பணிகளை மாவட்ட திமுக ஆதிதிராவிடா் நலக்குழு துணை அமைப்பாளா் பொன் சிவக்குமாா் முன்னின்று செய்தாா். அப்பகுதி பெரியோா்கள் கும்பாபிஷேகத்தை செய்ய ஏற்பாடுகளை செய்தனா்.
அதன்படி, மங்கள இசையுடன் பந்தக்கால் நடும் நிகழ்வு நடைபெற்றது. தொடா்ந்து கிராம தேவதை வழிபாடு, விக்னேஸ்வர பூஜை, கணபதி ஹோமம், நவகிரக யந்திர ஸ்தாபனம், வேத பாராயணம், தேவார திருமுறை விண்ணப்பம் உள்ளிட்ட பல்வேறு வழிபாட்டு பூஜைகள் நடைபெற்றன.
ஆட்சீஸ்வரா் கோயிலின் தலைமை அா்ச்சகா் இரா.சங்கா் சிவாசசாரியா் தலைமையில் புனித கலசங்களை ஏந்திக் கொண்டு வேதவிற்பனா்கள் கோபுர கலசங்களுககு புனித நீரை ஊற்றினா். தொடா்ந்து மூலவா் அம்மனுக்கு புனிதநீரை ஊற்றி அபிஷேக ஆராதனைகள் நடைபெற்றன.
திரளான பக்தா்கள் கலந்து கொண்டு சுவாமி தரிசனம் செய்தனா். அவா்கள் அனைவருக்கும் அருட்பிரசாதங்கள் வழங்கப்பட்டன.
இந்த நிகழ்வில் உத்திரமேரூா் எம்எல்ஏ க.சுந்தா், ஊராட்சி ஒன்றியக்குழு தலைவா் ஒரத்தி கண்ணன், அச்சிறுப்பாக்கம் மத்திய ஒன்றிய செயலா் டி.வி.கோகுலகணணன், ஊராட்சி ஒன்றியக்குழு உறுப்பினா் பாா்த்தசாரதி, மாவட்ட ஊராட்சி உறுப்பினா் வசந்தா கோகுலகண்ணன், ஊராட்சி மன்ற தலைவா் சாவித்திரி சங்கா் உள்பட பலா் கலந்துக் கொண்டனா்.
நிகழ்ச்சிக்கான ஏற்பாடுகளை டிஎஸ்பி குரூப் நிா்வாகிகள் மற்றும் ஒன்றியக்குழு உறுப்பினா் பொன் சிவக்குமாா் தலைமையில் விழாக்குழுவினா் செய்து இருந்தனா்.
