எதிா்வரும் 2026 பேரவைத் தோ்தலில் அதிமுக - பாஜக கூட்டணி ஆட்சி ஏற்படும் என்று தமிழக பாஜக முன்னாள் தலைவா் தமிழிசை சௌந்தரராஜன் தெரிவித்தாா்.
கவிஞா் பாரதிதாசன் பிறந்த தினத்தையொட்டி சென்னை காமராஜா் சாலையில் உள்ள அவரது உருவச் சிலைக்கு தமிழிசை சௌந்தரராஜன் மாலை அணிவித்து மரியாதை செலுத்தினாா். பின்னா் அவா் செய்தியாளா்களிடம் கூறியதாவது:
எதிா்வரும் பேரவைத் தோ்தலில், தமிழகத்தில் அதிமுக - பாஜக கூட்டணி ஆட்சிக்கு வரும். தமிழக மக்களுக்கான வளா்ச்சியை, தமிழக முதல்வரும், அமைச்சா்களும் தடுத்து வருகின்றனா். ஆளுங்கட்சியைச் சோ்ந்த 9-க்கும் மேற்பட்ட அமைச்சா்கள் மீது ஊழல் குற்றச்சாட்டுகள் உள்ளன. திமுக ஆட்சிக்கு வருவது எதற்காக என்றால், மக்களின் பணத்தை சுரண்டுவதற்காகத்தான். தங்களுடைய தோல்விகளை மறைப்பதற்காகவே முதல்வா் ஸ்டாலின் மத்திய அரசு மீது குற்றஞ்சாட்டுகிறாா்.
விஜய் இப்போதுதான் பூத் கமிட்டிகளை அமைத்து கூட்டம் நடத்தி வருகிறாா். அவரது அரசியல் நகா்வுகளை பாா்த்துதான் அவரது செயல்பாட்டை பாா்க்க முடியும். அதிமுக - பாஜக கூட்டணி குறித்து விமா்சிப்பவா்கள் திமுக கூட்டணியில் துணை முதல்வா் பதவி கேட்கும் காங்கிரஸ், விசிக குறித்து பேசுவதில்லை என்றாா் அவா்.
