'அதிமுக, பாஜக, பாமக... நாங்க எல்லாம் கூட்டணிங்க' - ஹின்ட் குடுத்த திண்டுக்கல் சீனிவாசன்

தமிழக சட்டசபை தேர்தல் நெருங்கிக் கொண்டிருக்கிறது. இந்நிலையில் டெல்லி சென்ற அதிமுக பொதுச்செயலாளர் எடப்பாடி பழனிசாமி, மத்திய உள்துறை அமைச்சர் அமித்ஷாவை 2 மணிநேரம் சந்தித்துப் பேசியிருக்கிறார்.

ஆனால் பாஜக- அதிமுக கூட்டணி குறித்து எந்த ஒரு அதிகாரப்பூர்வ அறிவிப்பையும் அவர்கள் அறிவிக்கவில்லை. இந்நிலையில் இன்று காலை தமிழக சட்டசபை கூட்டத்தில் பங்கேற்பதற்காக எம்.எல்.ஏ.க்கள் வருகை தந்தனர்.

அப்போது அதிமுகவின் திண்டுக்கல் சீனிவாசன், பாமகவின் ஜிகே மணி உள்ளிட்ட எம்.எல்.ஏக்களுடன் சிரித்து பேசியபடியே வந்தார். செய்தியாளர்கள் இதுகுறித்து கேள்வி எழுப்பயதற்கு திண்டுக்கல் சீனிவாசன், " அதிமுக, பாமக, பாஜக எல்லாம் ஒன்றுதான். நாங்கள் எல்லாம் கூட்டணிங்க" என்றார்.

அதேபோல அமித் ஷாவை 'இரும்பு மனிதர்' என புகழ்ந்து ஏற்கெனவே ஆர்.பி.உதயகுமார் வீடியோ வெளியிட்டிருந்தார். அதிமுகவினரின் அடுத்தடுத்த பேச்சு, நடவடிக்கைகள் பாஜகவுடன் கூட்டணி உறுதியாவதைக் காட்டுகின்றன.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்https://bit.ly/3OITqxs

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://bit.ly/3OITqxs