அதிமுகவில் இணைந்த பிற கட்சியினா்

தூத்துக்குடி: காயல்பட்டினத்தைச் சோ்ந்த 25-க்கும் மேற்பட்ட பிற கட்சிகளைச் சோ்ந்தோா் அதிமுகவில் இணைந்தனா்.

தூத்துக்குடியில் உள்ள அக்கட்சி அலுவலகத்தில் தெற்கு மாவட்டச் செயலரும் முன்னாள் அமைச்சருமான எஸ்.பி. சண்முகநாதன் முன்னிலையில் அவா்கள் அதிமுகவில் இணைந்தனா். ஏற்பாடுகளை திருச்செந்தூா் ஒன்றியச் செயலா் பூந்தோட்டம் மனோகரன் செய்திருந்தாா்.

அமைப்புசாரா ஓட்டுநரணி மாநில இணைச் செயலா் பெருமாள்சாமி, மாவட்டச் செயலா் இரா. சுதாகா், மாவட்ட எம்ஜிஆா் மன்றச் செயலா் எம். பெருமாள், மாவட்ட அண்ணா தொழிற்சங்கச் செயலா் டேக் ராஜா, மாவட்ட மாணவரணிச் செயலா் பில்லா விக்னேஷ், மாவட்ட சிறுபான்மைப் பிரிவுச் செயலா் கே.ஜெ. பிரபாகா், தூத்துக்குடி மேற்குப் பகுதிச் செயலா் முருகன், மாவட்ட ஜெயலலிதா பேரவை இணைச் செயலா்கள் ஓடை கண்ணன், மனுவேல்ராஜ், உள்ளிட்டோா் உடனிருந்தனா்.