அந்தியூரில் முதியவா் தீக்குளித்து தற்கொலை

அந்தியூரில் வயிற்று வலியால் பாதிக்கப்பட்ட முதியவா் தீக்குளித்து தற்கொலை செய்து கொண்டாா்.

அந்தியூரை அடுத்த தவிட்டுப்பாளையம் அவிநாசியப்பன் வீதியைச் சோ்ந்தவா் காளியப்பன் (59). கூலித் தொழிலாளி. மது அருந்தும் பழக்கம் உள்ள இவா், வயிற்று வலியால் பாதிக்கப்பட்டிருந்தாா்.

இந்நிலையில், வீட்டில் யாரும் இல்லாத நேரத்தில் சனிக்கிழமை மாலை மண்ணெண்ணெய் ஊற்றி தீ வைத்துக் கொண்டாா். இதைக் கண்ட அப்பகுதியினா் காளியப்பனை மீட்டு அந்தியூா் அரசு மருத்துவமனைக்கு அழைத்துச் சென்றனா்.

உடல் கருகிய நிலையில் மேல்சிகிச்சைக்காக ஈரோடு மருத்துவக் கல்லூரி மருத்துவமனையில் அனுமதிக்கப்பட்ட காளியப்பன் சிகிச்சை பலனின்றி ஞாயிற்றுக்கிழமை உயிரிழந்தாா். இதுகுறித்து அந்தியூா் போலீஸாா் வழக்குப் பதிவு செய்து விசாரணை நடத்தி வருகின்றனா்.