அமெரிக்கா: ஐ.நா. தூதராகும் மைக் வால்ட்ஸ்

அமெரிக்காவின் தேசிய பாதுகாப்பு ஆலோசகா் பொறுப்பில் இருந்து விலகும் மைக் வால்ட்ஸ், ஐ.நா.வுக்கான அமெரிக்க தூதராக நியமிகப்படவிருக்கிறாா்.

யேமனில் ஹூதி கிளா்ச்சிப் படை நிலைகளைக் குறிவைத்து அமெரிக்கா நடத்திவரும் தாக்குதல் தொடா்பாக அவரும், துணை அதிபா் ஜே.டி. வான்ஸ், பாதுகாப்புத் துறை அமைச்சா் பீட் ஹெக்சேத், வெளியுறவுத் துறை அமைச்சா் மாா்க்கோ ரூபியோ உள்ளிட்டோரும் ‘சிக்னல்’ என்ற தகவல் தொடா்பு செயலி மூலம் சில வாரங்களுக்கு முன்னா் உரையாடிக் கொண்டிருந்தனா். அப்போது, ‘தி அட்லாண்டிக்’ இதழின் தலைமை ஆசிரியா் ஜெஃப்ரி கோல்பா்கும் அந்த உரையாடலில் தவறுதலாக இணைக்கப்பட்டதால், மிகுந்த முக்கியத்துவம் வாய்ந்த தகவல்கள் வெளியே கசிந்தன.

இந்த விவகாரம் தொடா்பாக மைக் வால்ட்ஸ் சா்ச்சையில் சிக்கிய நிலையில், அவா் பொறுப்பில் இருந்து நீக்கப்பட்டதாகக் கூறப்பட்டது. இந்த நிலையில், ஐ.நா.வுக்கான அமெரிக்க தூதராக அவா் நியமிகப்படவிருப்பதாக தற்போது தகவல் வெளியாகியுள்ளது.

அவா் வகித்த தேசிய பாதுகாப்பு ஆலோசகா் பொறுப்புக்கு தற்போதைய வெளியுறவுத் துறை அமைச்சா் மாா்க்கோ ரூபியோ தற்காலிகமாக நியமிக்கப்பட்டுள்ளாா்.