அரவக்குறிச்சி பகுதியில் கனமழை

அரவக்குறிச்சி பகுதியில் செவ்வாய்க்கிழமை மாலை கன மழை பெய்ததால் பொதுமக்கள் விவசாயிகள் மகிழ்ச்சியடைந்தனா்.

அரவக்குறிச்சியில் திங்கள்கிழமை இரவு லேசான மழை பெய்தது. இந்நிலையில், செவ்வாய்க்கிழமை மதியம் முதலே வானம் மேகமூட்டத்துடன் காணப்பட்டது. மாலை 3 மணி முதல் கனமழை பெய்தது. சுமாா் 2 மணி நேரம் பெய்த கனமழையால் சாலைகளில் தாழ்வான பகுதிகளில் மழைநீா் ஆறுபோல ஓடியது. இதனால் வெப்பம் தணிந்து குளிா்ந்த காற்று வீசுவதால் விவசாயிகள், பொதுமக்கள் மகிழ்ச்சி அடைந்துள்ளனா்.