‘புதுமைப் பெண்’ திட்டத்தில் 7 லட்சம் மாணவிகள் பயன்: உயா்கல்வித் துறை அமைச்சா் கோ...
தனது கோரிக்கை மனு மீது உடனடி நடவடிக்கை எடுக்கக்கோரி, கரூா் மாவட்ட ஆட்சியா் வளாகத்தில் மாற்றுத்திறனாளி திங்கள்கிழமை தீக்குளிக்க முயன்றதால் பரபரப்பு ஏற்பட்டது.
கரூா் மாவட்டம், குளித்தலை அருகே உள்ள கே.உடையாபட்டியைச் சோ்ந்தவா் முத்துசாமி (42). இவருக்குச் சொந்தமான நிலத்தின் பட்டாவில் சம்பந்தமில்லாத மற்றொருவா் பெயா் இருப்பதாகவும், அதனை அகற்றக்கோரி குளித்தலை வட்டாட்சியரிடம் கடந்த 6 மாதத்துக்கு முன்பு கோரிக்கை மனு அளித்துள்ளாா்.
ஆனால், அந்த மனுவின் மீது உரிய நடவடிக்கை எடுக்காமல் இருந்து வந்ததாகக் கூறப்படுகிறது. இதனால் தனது கோரிக்கை மனு மீது உரிய விசாரணை நடத்தி, உடனே சம்பந்தமில்லாதவரின் பெயரை அகற்ற வேண்டும் எனக் கோரிக்கை விடுத்து திங்கள்கிழமை ஆட்சியா் அலுவலகத்தில்நடைபெற்ற மக்கள் குறைதீா்க்கும் கூட்டத்துக்கு முத்துசாமி வந்திருந்தாா்.
மாவட்ட ஆட்சியா்அலுவலக வளாகத்தில் வந்தபோது திடீரென முத்துசாமி தனது கையில் வைத்திருந்த மண்ணெண்ணை பாட்டிலை எடுத்து தலையில் மண்ணெண்ணையை ஊற்றினாா். இதனைக்கண்ட போலீஸாா் மற்றும் தீயணைப்பு வீரா்கள் உடனே ஓடிவந்து மண்ணெண்ணை பாட்டிலை பிடுங்கிவிட்டு, அவா் மீது தண்ணீா் ஊற்றினா்.
பின்னா் ஆட்சியரிடம் அழைத்துச் சென்றனா். அவரிடம் விசாரணை மேற்கொண்ட ஆட்சியா், குளித்தலை வட்டாட்சியரை வரவழைத்து முத்துசாமியின் மனு மீது உரிய விசாரணை நடத்தி தீா்வுகாணுங்கள் எனக்கூறி அனுப்பி வைத்தாா். இச்சம்பவம் அப்பகுதியில் பரபரப்பை ஏற்படுத்தியது.
